Nihin Zing Hakha Thar Kahdohnak Ah Ralhrang Thimi Le Hliam Tuar Mi Update - TIMES OF CHIN NEWS

Nihin Zing Hakha Thar Kahdohnak Ah Ralhrang Thimi Le Hliam Tuar Mi Update

Nihin Zing Hakha Thar Kahdohnak Ah SAC Ralkap Chungtel A Thimi An Um, Inn Cheukhat Meithal Kuan Nih A Khen. Nihin September 27 zinglei ah Hakha thar lamruk tonnak um SAC ralkap check gate cu CDF nih an kah, tiah theih a si. Tual chung mi pakhat nih, “Hakha thar lamruk tonnak check gate cu Chin hriamtlai nih nihin September 27 zing ah an kah hna. Kahdohnak cu zing sml 8:00 hrawng ah a dai,” tiah The Chin Post ah a chim.

May be an image of mountain and sky

Cu kahdohnak ah pawngkam inn cheukhat cu meithal kuan nih a khen len hna caah an rawk. SAC ralkap chungtel pakhat a thi i, pakhat hliamhma a pu, tiah tualchung mi hna sinin theih a si. A luacia August 30 zing sml 6:30 hrawng ah Hakha thar lamruk tonnak ah kahdohnak a rak chuak i, SAC ralkap nih hriamngan an kah ruangah Nahau tlang um Hranhring khuami, Pu Lai Hram inn a khen caah naupawi lio nu pakhat telh in minung 4 hliamhma an rak pu. Pu Lai Hram te cu rawl an ei lioah an kudawng cung in hriamngan kuan cu a tla i hriamngan kuan pelpawi nih a khen hna caah SAC ralkap nih Hakha sii-inn ah an rak kalpi hna.

error: Content is protected !!