Nihin Hakha Ah CDF Nih An Thah Mi Pa Police Pa Ruak Cu Laithil He An Vui - TIMES OF CHIN NEWS

Nihin Hakha Ah CDF Nih An Thah Mi Pa Police Pa Ruak Cu Laithil He An Vui

Nihin September 27 zaanlei ah Hakha, Cawbuk thlaanmual ah palik pa ruak vui ding in an kalpi lio ah miphun ralkap nih an rak kah hna i, palik pahnih hliamhma fak ngai an pu tiah thawngpang kan theih. Nihin zinglei ah khan Hakhathar kahdohnak a chuak i SAC palik pahnih hliamhma an pu. Hliamhma a pumi pahnih lak ah U Aung Aung Lwin timi pa a thi.

Myanmar army's self-exoneration draws Amnesty's scorn | World News,The  Indian Express
U Aung Aung Lwin ruak cu nihin zaanlei sml. 5:00 hrawng ah Cawbuk thlaan ah vui ding in an kalpi. U Aung Aung Lwin ruak vui ding in a kalpi lio ah miphun ralkap nih an rak kah tthan hna hi a si. SAC palik pahnih hliamhma fak ngaiin an pu.
Hliamhma a pumi pahnih hi Hakha District palik bawi le Hakha peng/myone palik bawi an si tiah a theitu nih an chim. Cawbuk thlaan ah a ruak an vuimi U Aung Aung Lwin hi Roman Catholic Khrihfabu chungtel a si i, Khrihfa phungphai ning in ruaksuannak le ruakvuinak zong an tuah.

error: Content is protected !!