Kum 10 Thongthlak Asiloah Thih Ding Dantatnak Pek Colh An Si Cang Lai Tiah SAC Zaw Min Htun Nih Thawngthanhnak A Tuah - TIMES OF CHIN NEWS

Kum 10 Thongthlak Asiloah Thih Ding Dantatnak Pek Colh An Si Cang Lai Tiah SAC Zaw Min Htun Nih Thawngthanhnak A Tuah

NUG, CRPH, PDF/CDF sinah fangkhat/piakhat nan bawmh (hlut) hna zongah thih ding dantatnak pek khawh nan si tiah September 19 ni ah SAC ralkap thawngchim tawntu Zaw Min Htun nih thihpheih le tlerhkhonhnak bia a chim tiah theih a si.

Myanmar Plans Its Own Crytpocurrency This Year to Lift Economy - Bloomberg

Fangkhat/piakhat bawmh le hlutnak in kum 10 thongthlak asiloah thih ding dantatnak tuah an sinak cu Pohmah 54 an buar caah a si ti i fian a hau, upadi theih lo ruangah tuah sualmi a si zongah ka chim ning bantukin dantatnak cu a um tho lai” tiah SAC ralkap thawngchim tawntu Zaw Min Htun nih a chim.

Myanmar coup: Min Aung Hlaing, the general who seized power - BBC News

Hi dantatnak chungah hin ralhrang bawmhchanhnak caah phaisa bawmhnak, bond cawknak, lucky draw cawknak, online in tangka hlutnak tibantuk pawl vialte ai tel dih, ka tuah manh zong ka thei bak lo tiin solhphelh bia chim zongah upadi ning tho in dantat nan si lai” tiah a chim chap tiah theih a si. SAC ralkap uknak a dohtu mipi thazang a thawn chin lengmang caah atubantukin faak ngai in cawlcanghnak le phihkhamnak an tuah hi a si tiah theih a si.Credit:Thechinpost

error: Content is protected !!