Hakha Khuasa mi nih Matupi lei laam tlungkal lei i chokvak iralring rih hna usih. Nihin ah cawbuk ah Kan mipi ralkap le Ralhrang hna karlak ah kahdohnak a chuak. Ralhranng lei bawingan pahnih zual taktak in hliam an pu ii sizuung ah an tlik pi hna. Tu nai te ahkhan ralhrang nih milu le Hriamnam thazaang an chap rih caah kahdohnak an chuak tthan rih kho.

Chin ramkulh, Hakha Cawbuk sang CCU lampial, Saint John sianginn pawng hrawng ah kahdohnak a chuak Chin ramkulh, Hakha Cawbuk sang CCU lampial, Saint John sianginn pawng hrawng ah kahdohnak a chuak, tiah theih a si.
Hakha ummi pakhat nih, “Nihin September 27 zanlei sml 1:45 hrawng ah Hakha Cawbuk sang CCU lampial pawng hrawng ah Chin ralkap nih SAC ralkap an kah hna. Meithal thawng a thang tuk i kan lau tuk. Khoika in dah an kah hna ti zong hngalh khawh a si lo,” tiah The Chin Post ah a chim.
Nihin zing Hakha thar lamruk tonnak ah Chin ralkap nih SAC ralkap an thahmi ruak cu cawbuk thlan hmun ah an vui i a si kho men. Cucaah Chin ralkap nih an kah hna i a si kho men, tiah tualchung mi nih an chim.
Cawbuk sang kahdohnak a daih in SAC ralkap motor pathum cu Cawbuk sang lei ah an kal, tiah mithmutu hna nih an chim. Cawbuk sang kahdohnak ah SAC ralkap lei in a thimi le aa hliammi an um le um lo theih a si rih lo.