Hakha Khuachung Ah Aa Chawklet Pengmi Surf Car Number 5D/3081 Hi,Halkha Ralhrang Buhmu Pa Motor A Si +++++++++ Hakha um kan unau hna nih an hmuh khawh cio nak hnga rak Share piak cio hna uh.>> - TIMES OF CHIN NEWS

Hakha Khuachung Ah Aa Chawklet Pengmi Surf Car Number 5D/3081 Hi,Halkha Ralhrang Buhmu Pa Motor A Si +++++++++ Hakha um kan unau hna nih an hmuh khawh cio nak hnga rak Share piak cio hna uh.>>

Nihin Halkha khuachung ah aa chawklet pengmi  Surf car number 5D/3081 hi,Halkha ralhrang Buhmu pa motor a si. Mah buhmu pa hi civil form hruk in Hk khuachung ah a motor he a vaak tawn. Hakha khuasa mi poahpoah nih kan iralring hna awk asi, a hlei tlangval no tete nihcun I ralring deuh usihlaw tha bik.

Myanmar military opens fire, rolls in armored vehicles amid ongoing coup -  YouTube

Thawngpang dang: CDF-Mindat nih nikhat chungah SAC ralkp hmun 5 ah an kah hna The Chinland Post | 2022 September 23 – Chinramkulh, Mindat peng ah CDF-Mindat nih September 21 nikhat chungah SAC ralkap hmun 5 ah an kah hna tiah CDF-Mindat biachimnak nawl a ngeitu Salai Ha Om nih People’s Spring ah a chim.

Myanmar coup explained: Why Aung San Suu Kyi was detained by the military -  CNN

“September 21 ah caan 3 in hmunhma 5 ah kan kah hna. Sualnak ngei lo mipi pawl van in an kah hna. SAC nih anmah minṭhatnak caah tiin thil zuarnak hna an tuah caah kan kah hna hi a si. Zinglei sml 5:30pm ah khua luhnak gate kan kah. Zaanlei sml 6:30pm in ah Infantry 274 chung tiang phan ding in hriamngan in kan kah hna. Zaan sml 11:00pm ahcun NLD zung, Traditional Hospital le nu le hngakchia zohkhenhnak zung i hmunhma an khuarnak pawl kan kah hna” tiah a chim.

September 21 i Mindat khua luhnak gate le Mindat khuachung ah a ummi SAC ralkap pawl kahdohnak pawl ah SAC ralkap a thimi an um kho tiah Chief Strategiest nih a chim tiah Salai Ha Om nih a chim. Infantry 274 chung hriamngan kahnak i SAC ralkap a thi mi an um le um lo dirhmun cu theih a si lo tiah a chim.

SAC ralkap pawl nih sualnak ngei lo mipi an a kah hna ahcun fak piin kan lehrulh lai. Anmah minṭhatnak ca i an tuahmi thil vialte kha hrial hna u sih. Duh lonak kan rak langhter ni thok in tuni tiang dothlennak chungah a nunnak a pemi mipi hna mithmai zoh bu tein SAC he rianṭuanṭi hna hlah u sih tiah CDF-Mindat nih forhfialnak a tuah.

SAC nih Mindat khua chungah thil zuarnak a tuah i cu thil zuarnak a tuah hlan ah Mindat peng chungah van in kahdohnak le hriamngan kahnak hna a tuah caah mipi hliamhma a tuar mi zong an um tiah theih a si.

Thawngpang dang: Bangladesh ramchung um Rohingya ralzaam le ramchung ramleng ummi Rohingya ralzaam caah minung hawi zawnruahnak in US nih dollars 170 bawmhnak a pek lai.

2017 kum in Bangladesh ram Rohingya ralzaam minung 740,000 caah bawmhnak rak pekmi le tutan bawmhnak pek dingmi he cun US 1.9 billion deng maang a si cang tiah, US ramleng minister Antony Blinken nih cun a chim. Bawmhnak dollars 93 million cu, Ministry of Foreign Affairs nih kan pek lai i a dang dollars 77 million cu United States Agency for International Development hmangin anmah nih bawmhnak an pek hna lai tiah, a chim chap.

Bawmhnak pek dingmi chungah 138 million cu miphun cihmihnak le minung hawi cungah a fakbikmi thahnawnnak chungin a nung dammi, Bangladesh ram ummi Rohingya ralzaam 940,000 le inn ngeitu Bangladesh rammi cheukhat caah an hman lai.

Myanmar Ralkap lei nih cun miphun cihmih tiang sualnak an tuah tiah sualphawt an simi cu an cohlang lo i, hmunhma thianhhlimhnak kan tuahmi lawng a si tiah, an chim ve. US ramleng minister Antony Blinken nih cun Myanmar Ralkap thilsual tuah ruangah inn lo a chuahtakmi mipi hna cu bawmhnak pek cio ding in sawmnak a tuah.

error: Content is protected !!