Ralkap nih uknak an lak hnu in Dr. Ngun Cung Lian cu ralkap lei tanh rual in rian a tuan caah a konglam aho hman nih theih khawh a si ti lo. A chel ah a hmanthlak a fiang pah lo mi meeting a kai lio tbk pawl lawng hmuh khawh asi.

Tutan hi amah Dr. Ngun Cung Lian nih a chim mi bia a si taktak ko lai zumh a si. Hi kong he pehtlaih in lai media pakhat nih voi 2 tiang a tial mi rel kho a si. Cu ruangah Dr. Ngun Cung Lian aw tiin kan tial nak a ruang a si.

Dr. Ngun Cung Lian nih a chim mi cu CNF/A camp khi keimah Dr. Ngun Cung Lian nih hin tha tein uknak laktu ralkap pawl hna sinah hin chim loin um ninglaw atu Victory camp khi cu a dih viar cang lai tiah a chim tiin lai media nih an tarlangh mi rel kho a si.

India cozah nih Myanmar ralzaam New Delhi ah a hremnak hna a kum a tling cang. Atu tiang aho hman nih India cozah sinah a nawl piak le a chim piak kho mi hna an um rih hna lo. Hi kong he pehtlaih in Myanmar ralzam cheukhat cu an lungdongh pah ngai ngai cang ko.

A cheukhat ralzam pawl cu VISA an hmuhnak kum 2-3 a tling deng cang mi pawl zong an um ve. Atu ning tein India cozah nih an hremh rih hna a si ahcun an VISA expire than mi zong an tampi men lai zumh a si. 

FRRO lei nih fiang tein an chim mi biakhat cu MYanmar ralzam pawl exit permit an i kharhpiak mi hna le an i pek duh lo mi hna a ruang cu cunglei lutlaitu lei nih order an kan pek caah a si. Hi kong he pehtlaih in zeizat dah a rau lai timi cunglei nih an kan chim mi zei hman um rih lo tiah an ti. 

Myanmar ralzam pawl FRRO nih an pek duh lo mi hna a ruang taktak hi chim khawh a si lo. Aho hman nih a ruang thei a si rih lo. Zungzal in an phih piak hna lai lo. Ni khat khat cu an pek than te ko hna lai. A thla or a kum cu a rau rih thiamthiam ko lai.