KKG le CJDC ah hruaitu lutlai Mr. Za Bawi Thawng hi fapa fangkhat te an ngeih mi asi - TIMES OF CHIN NEWS

KKG le CJDC ah hruaitu lutlai Mr. Za Bawi Thawng hi fapa fangkhat te an ngeih mi asi

Tutan dohthlennak ahhin kan mino le mifim tampi an i tel hi kan vantha kho tuk hringhrang ko ee. Ram pakhat a thancho khawhnak ding caah hin zei tluk in dah mino an biapit ti mi zong hi kan nu le pa tampi nih an ruah cia mi a si. Tutan dohthlennak le ramkhel rian ahhin kan mino le mifim tampi nih an kan hruai caah teinak cu tuan ah kan hmu hrimhrim ko lai.

Za Bawi Thawng le Hawi le cheukhat pawl

Tlangvaal Za Bawi Thawng nih kan hnu lei ahkhan zei bia dah arak chim cang. Nunnak hi pakhat lawng kan ngeih. Kan thi ahcun a dih ko. Hriam kan tlai cang caah kan nunnak cu ram le miphun caah kan hman ahau timi cu fiang tein kan theih tuk. Kan nu le pa le chungkhar pawl nih cucu an kan duh piak cio lo kho men. Nain, aho nih dah ram le miphun caah cun rian a tuan kung lai. Nunnak pakhat te kan ngeih mi hi kan ram le miphun caah pek dingin kan i manh tuk.

Pa Bawi

Tuzing ah bia roling pakhat a chim than rih. Hringtu ka nu le pa nih hin zanah ka lu cungah an kut chia in an fapa ka caah thla an cam tawn. Ka nu le nu nih thla an ka cam piak tawn mi cu Bawipa kan fapa hi hmailei a nunnak ah nangmah lam hruai law kan ” Miphun le Ram” caah santlai mi si ter hram ko tiah ka nu le pa nih thla an ka cam piak tawn a ti. Mi dang fale zong cu bantuk thiam in an nu le pa nih thla an cam piak ve hna. Zei ruangah mino tampi an zam. An nu le pa nih thla an cam piak mi hna hi a sawh sawh a si tunglo. Atu lio caan hi thlacam hlawtling caan a si.

Mr. Za Bawi Thawng hi an chungkhat ah fapa fangkhat te an ngeih mi a si. A duh ahcun Vawlei cung ram rum bik hman ah an kal ter kho mi a si. Hongkong University ah MA a dih mi a si. Mifim le cathiam a si. Tutan dohthlennak ah za ah za bak in a nunnak pek in ramtang ah kumkhat lengkai kan miphun ralkap a tuan cang mi a si. Amah bantuk lai mino tampi kan ngeih rih ko hna. Bawipa nih lam hruai ko seh.

error: Content is protected !!