Breaking News: Timit lei kan ralkap pawl hna Bawipi nih dirhpi umpi ko hna seh - TIMES OF CHIN NEWS

Breaking News: Timit lei kan ralkap pawl hna Bawipi nih dirhpi umpi ko hna seh

Timit lei kahdohnak a hung chuahnak a thla a tling deng cang. Nizan tiang meithal puak thawng le bomb puak thawng lawngte theih peng rih a si. Zanah it thiam loin canvut lak le ruasur lakah ralkap pawl ralven in an nun caan an hman hna.

Tutan timit ral cu Bawipa nih a kan umpi taktak ko. Nihin tiang kahdohnak ah kan ralkap pawl an him. Hliam tuar an um nain cu tluk in an hliamhma a fak lo. A cheukhat hliamtuar pawl hna cu ralram ah an lut than than cang.

Kan chinram hi ralhrang uknak chungin zalawng tein himnak le luatnak kan hmuh khawhnak hnga biatak tein thlacam rih lengmang ko usih. A rua hlan ah kan tei hrimhrim ko lai. 

Ralkap nih uknak an lak hnu in Dr. Ngun Cung Lian cu ralkap lei tanh rual in rian a tuan caah a konglam aho hman nih theih khawh a si ti lo. A chel ah a hmanthlak a fiang pah lo mi meeting a kai lio tbk pawl lawng hmuh khawh asi.

Tutan hi amah Dr. Ngun Cung Lian nih a chim mi bia a si taktak ko lai zumh a si. Hi kong he pehtlaih in lai media pakhat nih voi 2 tiang a tial mi rel kho a si. Cu ruangah Dr. Ngun Cung Lian aw tiin kan tial nak a ruang a si.

Dr. Ngun Cung Lian nih a chim mi cu CNF/A camp khi keimah Dr. Ngun Cung Lian nih hin tha tein uknak laktu ralkap pawl hna sinah hin chim loin um ninglaw atu Victory camp khi cu a dih viar cang lai tiah a chim tiin lai media nih an tarlangh mi rel kho a si.

error: Content is protected !!