India Ram Ah Ting 22 Man Pistol An Tleih Than - TIMES OF CHIN NEWS

India Ram Ah Ting 22 Man Pistol An Tleih Than

India ram,Delhi ah Vietnam in a ra mi nuva hna cu Pistol zun 45, Rs 22lakh man he an tleih hna.

Anmah nupa thiam nih tuandeuh zong ah khan meithel zun 25 Rs 12 lakh man cu India ah an rak luh pi ti zong an phuan chih tiah ANI nih a chim.
Credit; ANI

Relchap…
A Herh Taktakmi Cu Pakhat Lawng A Si Ko
××××××××××××××××××××××××××××××××××××
Jesuh nih, “A herh taktakmi cu pakhat lawng a si ko, Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.( LUKA 10:42) . Jesuh le a zultu hna cu Martha inn ah an tlung. Martha nih nau pakhat a ngeih i a min Mary a si. Mary cu Bawipa Jesuh ke hram ah a tthu i a cawnpiaknak kha a ngai. Martha bel a rian a tam caah a ing a puang. Marthar le Mary nih buaipi mi pakhat veve an ngei.

Martha nih ing puang ngai in a rian a buaipi lio ah Mary cu Bawipa ke hram te ah tthu in a cawnpiaknak kha lunglawm thanuam ngai in a ngai. Zumtu nang le kei teh Martha dirhmun ah maw kan um, Mary dirhmun ah dah kan um? kan nun i chek tuah hna usih. Mah rian lawng a buaipi mi maw kan si, Bawipa cawnpiaknak a ngai i a zul i a tuahmi dah kan si. ” Cathiang nih minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,’ tiah a ti ( MATHAI 4:4).( DEUTERONOMI 8:3).

( LUKA 4:4). Mitampi cu eidin kong lawngah kan buai i nifatein eidin tirawl caah manh caan ngei loin rian kan ttuan hna. Martha he kan i dannak a um lo. Martha bantukin mah rian lawngah kan buai i Bible rel caan, thlacam caan le Pathian he i hawikomhnak caan kan ngei kho ti lo. A ngai ngai tiah cun Cathiang nih minung nunnak hi rawl lawngin a si lo, Bawipa kaa in a chuakmi thil kip in a nung a ti. Pathian nih cun a kan deuh hrimhrim lai lo.

Cucaah Martha bantukin mah rian lawng a buaipi peng mi si loin Mary bantukin Bawipa bia a ngaimi si hna usih law nifatinte Bible relnak le thlacamnak in Pathian he nun aa pehmi si zungzal ko hna usih. A herh taktakmi cu pakhat lawng a si ko, Mary nih ahmaanmi thil cu aa thim cang i ahohmanh nih an chut lai lo a ti. A herh taktakmi le ahmaanmi thil cu pakhat lawng a si i cucu Bawipa he nun i peh i thei ttha tampi tlai hi a si ko. Keimah ah hin i peh u law kei zong nanmah he kaa peh ve lai.( JOHAN 15: 4). Careltu nan dihlak cungah kaa lawm. By David Thangen

error: Content is protected !!