88 buai lio ah anemnak tein Democracy ahalmi hna kha, ahakbik mi kuan tu arak pek hna. Kuan akanpek mi cu ‘kuan’ in kan lehrulh ve aherh tiah ruah asi caah hriamtlai lam kha kan ithimnak cu asi. Hriamtlai lampi zawh hi Daw Su nih arak duh loh. Anemnak ‘nonviolent lampi zawh hi athianghlim mi asi caah ‘hi lampi hi kan zulh awk asi, ‘tikha ai sehchih peng. Cu caah hriamtlai lampi aithimmi le nonviolent lampi aithimmi hna thazaang kha arak ithencheu ruangah ‘Paw pi hrang’ kan thah lai kan timi kha ‘sakhi’ hmanh kan rak that kho lonak kha asi.

Min Aung Hlaing nih nawlneinak alak tikah anemnak in mipi sinah nawlneihnak rak kanpek than ‘tiah kan hal tikah ‘kuantu’ akan pek. Cu caah mipi nih kuan akan pekmi cu kuan kan pek ve lawngah kan tei lai, ‘tikha ruah asi caah hriamtlai lampi kha mipi dihlak nih kan ithimnak cu asi. Combodia ramleng lei vuanci zong asi i, Asean special envoy zong asimi Parak Sokhonn nih Aung san sukyi power hmangin atulio Kawlram buainak hi kan daihter lai. tiah achimh. Khelkhatin kan chim ahcun Daw Su hi politics power aneibik mi asi caah amah power hi kan hman lai i, ichawnhbiaknak lampi in atulio buainak hi kan daih ter lai ‘tikha a chimh duhmi cu asi.

Parak Sokhonn nih MAH sinah Daw Su he tonding ahal lengmang nain, an ton ter duh bal lo. Aralai ding Parat Sokhonn Kawlram tlawn ding ahhin Daw Su he tonnak an kapek lai, tiah Parat Sokhonn nih a chim. Afiangmi cu Parat Sokhonn nih hin Daw Su hi atulio buainak hi cabuai cung ichawnhbiak in kan dai ter lai, ‘tiah ahal teh lai. Hihi Daw Su nih apawm sual asi ahcun muinak khur chungah thuk deuhin akan tlakpi chin teh lai..

Daw Su nih hin 2008 phunghram tang ah ichawnhbiaknak in kan ram kan daiter lai timi ah. a hna tla sual ahcun Laimi nu nih mikei pa avat i duh paoh in atuah hnu ah asa tiang a ei e ‘timi tuanbia bantuk kha asi teh lai. Cuhlan vialte daw Su he ton dingin Asean special envoy nih ahal lengmang nain ton ter duhlo in, atutan ah tonter an duh thanmi hi, ral an sungh tuk cang tikah an luatnak lampi an kawlnak men khi asi khawh men,

Akan seh tonmi mikei pa cu a ke pakhat hri in kan tem khawh cang. Cu caah ka hri hi rak ka phoihpiak ulaw kan seh ti hna lailo akan ti zongah kan zumh lailo. A ke pakhat kha kan tem chih lai i, thidan pek ding lawng atang.

Zei asi zongah ralhrang hna hi an hram in kan bongh hna lai kan ti lio ah ralhrang pawl he chawnhbiak lampi in kan ram kan daihter lai’tiah a kalpi mi bu le upa hna hi cu; Lai mi nu nih mitkei pa avat mi bantuk kha an si teh lai.
Credit; Van Neih Thang