CDF-Zotung Cu CNA/CNF Țhithruainak Tang Ah Kan Um Lai - TIMES OF CHIN NEWS

CDF-Zotung Cu CNA/CNF Țhithruainak Tang Ah Kan Um Lai

CDF-Zotung Cu CNA/CNF Țhithruainak Tang Ah Kan Um Lai : CDF- Zotung CDF Zotung Organization, Supreme Council nih CDF Zotung ralkap hna cu CNA sin zong ah thlah ding le CNA țhithruainak tang ah um ding in CNF upa he hnatlaknak kan ngei tiah an thanh.

CDF Zotung ralkap pawl training an dih in an hmunhma cio ah rian an țuan lai, A tu bantuk in CNA thithruainak tang kan um hi kan i lungrualnak ding le kan i țhencheu lonak hnga asi, Atu lio hi Chin Miphun dihlak ”CHIN”” timi ah kan i țhangh a herh caan a si tiah an langhter. CNA/ CNF cu CDF- Zotung caah kan nu le kan pa an si tiah an langhter chih.

Relchih; Japan prime minister hlun Shinzo Abe ruak humhnak ah rak rat ve ding in SAC hruaitu Min Aung Hliang cu Japan ram nih an sawm i kal aa tiah tiah thawng a thang. September 27 ah tuah ding mi Japan prime minister hlun Shinzo Abe ruak humhnak ah Japan nih SAC hruaitu Min Aung Hliang an sawm caah a tlawng kho mi a si, tiah Human Right Watch (HRW) i Asia ram tuanvo ngeitu Mr. Tapa Kasai nih Twitter in ah a tial.

Japan ram nih an sawm mi cu ram kip nih an hnon a tong mi SAC hruaitu caah Ministry of Planning and Finance ah hlawhtlinak a si tiin zumhning le ruahning karhternak mizapi sin ah chimnak ding (ဝါဒဖြန့်မှု) ah caan țha ah a can ter lai. Ruak humhnak ah cun ramdang in hmaizah awk a tlak mi minung paoh sawm an si lai tiah Japan Cabinet Secretary Hiroka Matsunoka nihnai te ah khan a chim.

Asinain, Janoan cozah nih Russia president Vladimir Putin tu cu ruak hmunhnak ah rat ve a duh hmanh ah sawm a si lai lo tiah Japan newspaper Shinkine ah an langhter mi ning in tial a si. SAC hruaitu cu ramkip nih hnon mi a si lio ah Japan nih tlawn ding in an sawm mi cu a voikhat nak lawng a si ti lo.

Rohingya pawl fak tuk in thah nak kong ah data a latu HNHCR nih record a chuah hnu ah ram kip nih an mawh chiat lio 2019 chung ah prime minister Shinzo Abe a tuan lio ah Japan Ministry of Defense nih SAC hruitu General Min Aung Hliang i an rak sawm bal cang Prime Minnister hlun Shinzo Abe cu tu thla thla hram thok ah Japan ram nitlaklei Naga khuapi ah election caah biachimnak a ngeih lio ah kah thah a tong. A kap tu cu an tlaih colh i tazacuai a si. Crd. TCP.

error: Content is protected !!