Cambodia PM Mr. Husen nih A fapa Hun Manet sinah Uknak chanh khawh awk ah, 15 July 2022 ah, phunghrampi cu tluang tein, a remh ter khawh cang hna.Mr. Husen cu ASEAN Chairman (Hotu) a ṭuan lio mi asi. ASEAN Hotu umnak ram ah Ramdang Vuanci asimi cu ASEAN Special Envoy an si colh. Cu pa cu Mr. Prak Sokkhon asi. Kawlram ah a tlawn cang. ASEAN le Mr. Husen nih Kawlram caah an duhmi le an saduhthah tlinter awk ah Kawlram ah ara. Pi Suu Ci he bia I ruah uh, Nipidaw thong Inn ah Pi Suu Ci chiah ti hlah, Rangoon a Inn ah na ṭhial lai: Aa tel ding mi vialte sawm dih hna law, tawn biaruahnak tuah uh: Cutincun Kawlram cu Democracy lei ah Kirh ṭhan uh tiah Mr. Prak Sokkhon nih MAH cu a ti. Mr. Prak Sokkhon hi ASEAN lawng a ai awh lo, Mr. Husen ai awh tu asi ve. Mr. Wanyi, Tuluk Ramdang Vuanci kawlram ara ve. An chimhmi aakhat. Arau hlan ah Mr. Blinken Ramdang Vuanci USA cu Thailand ah ara. Mr. Prak Sokkhon le Mr. Wanyi he an chimh mi aa khat (kawlram kong ah). Democracy le Nuhrin covo lei ah kawlram kir pi ṭhan awk ah ASEAN le Tuluk nan biapi bik tiah Mr. Antony Blinken nih a nolh rih. Thailand PM Mr. Prayut le Cambodia PM Mr. Husen kha a fial hna. Anamh pahnih hi Ralbawi in Anaa a lak mi an si. Ralhrang an si ve ve.

An biahla zoh tikah Federal lei panh pi tu asi lo. Hlanchan Democracy Bantukin kal pi ṭhan uh tinak asi. Tlangcungmi federal aa tel bak lo. An thluak cu 2023 ah thimhnak tuah ding ah NLD, Pi Suu Ci, Tlangcung mi hriamtlai phu le Tlangcungmi Party vialte kha I tel awk ah sawm ko hna an ti duh nak asi. Election in Uktu na si duh nak kha fek ter ko tiah Mr. Prak Sokkhon le Mr. Husen nih an ti duhnak asi. Election na tuah khawh ahcun Hlutdaw Palai na ngeih cang lai: Hlutdaw nih na duh mi pennak le na duhmi Upadi vialte an in remh piak dih lai: Zungzal Kawl SPH na ṭuan duh zong ah hlutdaw nih upadi le phunghrampi an in remh piak lai; Cuticun Nangmah le na fapa, na tupa, na techin fapar le na minung lawng nih Kawlram ah Luzik nan ṭuan zungzal lai tiah Husen nih MAH cu ruahnak a pek tu asi deuh. Cambodia cu SPH kan ngeih caah Keimah Husen cu Luzik ka si khawh lo, Nannih Kawlram cu SPH nan ngeih lo caah, Nangmah MAH cu SPH na si cangko. SPH cu chan he aa tlak ti lo. Tamada le PM nih dakaw, rampi cu chak merh asi ko cuh tiah Husen nih MAH cu ruahnak a pek hi asi. Upadi le Phunghrampi remh piak hnu ah Upadi ning in Uknak tlaih zungzal ahcun Anaasin an kan ti khawh ti lo. Ralhrang an kan ti khawh ti lo ti hi tiah Mr. Husen le MAH I an tlaihtleng le mumal asi. An chunmang Lianbik cu hi hi asi. Mr. Husen cu 1985 in nihin tiang Cambodia PM a ṭuan mi asi. Amah Husen nih PM si zungzal awk ah phunghrampi an remh piak lengmang. Russia Tamada Putin bantuk le Thailand PM Prayut bantuk asi ve. 2023 ah Cambodia ah Election um ding asi. Amah I dinh a duh. A fapa Mr. Hun Manet kha PM pek aduh caah Phunghrampi a remh ter hna. Phunghrampi an remh hlan ahcun Husen aa din ah adang nih PM ṭuan khawh asi. Atu cu asi tilo. Husen te chung nih, Husen Techin Fapar nih Cambodia PM ṭuan zungzal ding asi cang. Hun Dynasty timi Husen SPH chung lawng nih Cambodia uk zungzal ding asi cang.
Cambodia Phunghrampi ah aum mi cu: SPH nih PM a thim lai I cucu Amyotha Hlutdaw nih an fek ter lai ti asi. Amyotha hlutdaw nih an thimh mi PM kha SPH nih fek ternak sen a thuh lai tiah an remh. Cambodia hlutdaw ah Husen Party (CPP – Cambodian People Party) 90% leng an um. Amyotha Hlutdaw an ti zong ah Husen duhning in a kal dih lai. Cun an chap mi cu Cambodia PM nih Acting PM cu zalon tein, amah duh mi a thiah khawh. PM khual tlawn ah siseh, a zaw ah siseh, aa din ah siseh; Acting PM cu PM nih amah duh mi athim khawh ti asi. Mr. Husen nih Acting PM ah aa chiahmi cu Afapa Hun Manet asi. Ralbawi zong asi. 2023 Election a amah Husen I din in Afapa Mr. Hun Manet cu PM si awk ah Upadi an remh mi asi. Zuamcawh tu Party “Grassroots Democratic Party” le an Hotu “Yang Saign Koma” cu Husen nih hramhram in an sualnak a kawl hna, thiamlo a coter hna, tazacuai le thongthlak lawng te an si caah, Husen Party CPP a zuamcawh khawh tu ding an um ti lo. MAH nih Pi Suu Ci cu hramhram in a sualnak a kawl I, thiamlo vialte a cote dih hnu ah, taza a cuai tu MAH cu: Husen he an I dan nak aum lo. Husen hi MAH nak hmanh in a zual deuh mi asi. Cu pa cu ASEAN Hotu asi. ASEAN Special Envoy cu Husen salpa Mr. Prak Sokkhon, Cambodia Foreign Minister asi. UN le USA nih Kawlram kong ah ASEAN rian a fial. ASEAN cung ah an khinh dih. Kawlram mipi cu MAH le a tefa nih in uk zungzal hna seh tinak asi.

Husen nih zuamcawh tu GDP Party cung ah a tuahto ning hi MAH nih NLD cung ah atuah mi he aa khat. MAH nih Tlaihmi NLD (920) ansi. Ralhrang nih an thah mi NLD (48) (nu 3 le pa 45): An hremh lio a thi mi (11), Thong Inn ah a thi mi (8): aruang loin thah mi (29 MP 3 telin). An zapi tein (48) ansi. MP 3 an I tel. Kachin 2, Shan 1, Rangoon 11, Mandalay 14, Bago 7, Thaninsarri 4 le atang mi hi Sakai, Makui le Mon in ansi. Innlo chutmi NLD 120 leng ansi. NLD MP 920 lakah 109 antlai. MP 20 cu Ramkhel kan ṭuan ti lai lo tiah sen an thuh. 120 leng cu an tlaih hna hlan ah biakamnak sen an thuh I, dai tein an um. Zo Bawi, Sui Ṭhio le Soe Htet te bang kan ti hna lai cu. Atang mi MP vialte cu himnak hmuh duh ah Ramdang ah zam mi an tam deuh. Ram dang azam khawh lo mi cu a luatnak hmunhim ah an um. Khuapi chung ah a um mi NLD party lutlai le MPs vialte cu Rallokap sin ah biakamnak he senthuh mi lawngte ansi. NLD party asi lomi (Kan Pi Suu Ci dawttuk ruang ah le Mipi sawh sawh) Rallokap nih tlaih mi cu 9469 an si, an thahmi 2636 an si.MAH nih chunmang cu Kanpi Suu Ci le NLD kha Ramkhel in zungzal hlawnh khah asi. (Ref; U Than Soe Naing). MAH nih tuahmi Election Commission nih Ramkhel party 85 cu audit a tuah dih cang hna. NLD telin party 7 lawng an tang cang. EAOs he PEACE tuah in, Raldohnak in PDF LDF CDF cihmih awk kha a timh nain tlamtlin dawh asi tilo. Cucaah PDF cu surrender tuah uh tiah a lemsoi lengmang hna. PEACE kan tuah hna lai a ti cang hna. Tuluk le ASEAN nih siseh, American le Vawleipi nih siseh: NLD party hrawk lo ding an ti caah a hrawk rih lo. Siorawl, tanbo, mangkhawng le rap caah Kanpi Suu Ci, NLD hi aa chiah ziar ko hna. Biakam senthuhnak a ngeihmi NLD party chungtel le NLD MP rual cu 2023 thimhnak ah lut awk ah MAH nih a lemsoi khawh hna. Rangoon NLD HQ Office onh ding ah an hal nain, NLD CEC le Kanpi Suu Ci nih an duh lo. Zeizong tein aa zuam mi kip le a tuah mi kip a hlawhtlin ti lo caah 2023 Election kha siorawl le mangkhawng ah hmang aa timh Ṭhan. NLD cu cheu hnih in a cheuh cang hna. NLD CEC le NUG karlak ah i pehtlaihnak um lo ding in MAH nih a tuah khawh fawn. Cucaah NLD cheukhat hi 2023 election ah lut an I timh ti cu a fiang tuk cang. Election Commission nih cazin check cia mi Party 85 zong kha Election ah a lut mi an tam deuh te lai. Aruang cu Cambodia a kawipa Mr. Husen Bantukin Phunghrampi remh in MAH le a tefa hna nih kawlram uk zungzal kha chunmang cu asi.

Election cu mipi nih kan duh lo kan ti zong ah Vawleipi nih an cohlan mi asi. 2008 phunghrampi ning in kawlram Milurel cu 54 million asi. Hnarcheu nih an vote ahcun election a nung timi aum lo. Ri khiah mi aum lo. A vote tu nih an vote zat kha an rel lai I, a tei tu kha TEITU asi lai. Rallokap le an chungkhar, USDP party lawng nih an vote zong ah a nung mi asi. Cucaah 2008 phunghrampi kan duh lo kan ti nak cu asi. Mr. Husen cu Phunghrampi a remh ter hna I amah le a tefa nih Cambodia uk zungzal awk ah a tuah. MAH cu phunghrampi remh herh lemlo in, 2023 Election in amah le a tefa nih Kawlram ah SPH si zungzal kha a timh ve. PR system (Proportion Ratio) timi thimhnak phung ka hmang lai a ti mi hi, Tlangcung mi covo le Federal pek duh ruang ah asi lo. NLD ai awh ah Tlangcungmi tampi ra hna seh ati duh nak asi. Ralkap savo 25% kha Tlangcungmi pek in 75% kha Rallokap nih I lak an duh. Phunghrampi remh ahcun mipi duhnak lak a herh lai caah a si khawh lo kha MAH nih a hngalh tuk. Cucaah 2023 Election in zungzal SPH si aa timh. Krifa mi nih zungzal SPH pahnih kan ngeih cang lai. Kan BAWIPA Jesuh KRI le MAH an si lai cu. ASEAN Palai nih Pi Suu Ci a tawn khawh lo caah, Vawleipi le CSOs tampi nih NUG he I tawn an fial. Theory in an ṭha tuk nain, Practical ah si khawh hnga maw ti tuak ngai a herh. Kawlram Ralhrang kip a lungthlen ter khawh ballo tu ASEAN an si. ASEAN ram tam deuh le a Luzik hna hi Anaasin an um pah len dih. Mipi harsatnak Chanchuahnak le Humanitarian caah cun a ṭha tuk AMEN asi ko. Ramkhel caah cun MAH mangkhawng bak nih nenh asi ko lai. Prak cu Husen minung asi cu. 2023 Election tuah khawh nak ding caah PEAE tuah uh ti a fial men hna lai. Mipi an thah tuk cang hna, mipi an harsa tuk cang, Pi Suu Ci cu Nobel Peace Prize aco tu asi caah raldohnak aduh mi asilo. NUG nih PDF LDF hi raldohnak ngawl ter uh, MAH he bia I ruah uh law, PEACE tuah uh. Hlan lio Democracy lei ah kal ko uh. American nih Democracy i=ah kir ṭhan uhlaw, Nuhrin covo le Rule Of Law um ter uh a ti mi hi ngaih ko uh. Federal cu ahnu ah, ram a dih tikah cabuai cung raldohnak in tuah khawh asi. Raldohnak hi Federal a phi le hmuhnak asilo. Vawleipi hi cabuai cung ah Lairel nak lawng in an hlawhtlin cio, Raldoh nak hi an rat ter hmasa dih ko nain, adong nak ah cabuai cung biaruah nak ah an dong tiah, Mr. Prak Sokkhon nih NUG hi a lemsoi te hna lai. NUG cu Federal Phunghrampi an ngeih lo, Charter lawng aa rinhmi ansi caah YES, an ti ahcun LAIMI kancem. Tlangcungmi cu nunchung Hell ram khuasa asi lai. Ralkap locun ati tu le Kanpi Suu locun a ti tu caah Christmas le Kumthar asi lai, Federal locun titu hna caah Harmegadon ral.Credit ;Zingtincuai Cinzah