Thantlang Believers Church Biakinn An Khangh Rih Than - TIMES OF CHIN NEWS

Thantlang Believers Church Biakinn An Khangh Rih Than

Chin ramkulh, Thantlang Believers Church Biakinn cu nizan June 23 ah SAC ralkap nih an khangh, tiah kan theih. Thantlang upa pakhat nih,” nizan June 23 zanlei ah Market sang um Believers Church Biakinn cu a kaang. Biakinn lawng si loin mizapi inn hna zong a kaang chih. Thantlang khuachung luh khawh a si lo caah inn zeizat a kangh bel kan hngal kho lo,” tiah The Chin Post ah a chim. 2021 uknak lak hnu in Thantlang Biakinn kaangmi hi 13 a si cang tiah, a chimchap.

Thawngpangdang………… Ayeyawaddy ramṭhen, BuKaLay khua ah May thla zarh hnihnak in June thla zarh hnihnak tiang ah zan leng chuah ruangah tualchung mi 60 leng tlaih an tong, tiah BuKaLay khua ummi hna nih an chim.

Tlaih a tongmi hna chungin fapawi lio pakhat telh in minung 7 cu June 12 ah thlathum thong thlak ding in bia an khiah piak hna. Tangka pek in a luatmi zong an um i, taza an cuaimi hna zong an um, tiah theih a si.“Zan chuah lo ding(curfew) nawl buar ruangah an tlaihmi hna an tam.

Cheukhat cu zan ah bazar kal lo awk a ṭhat lo caah an kal i, an tlaih hna. Cu chung ah fapawi lio pakhat telh in minung 7 cu section 188 in thlathum thong an thlak hna. Minung 21 cu taza an cuai lio hna. 40 leng nih palik pawl tangka an pek hna i an chuak cang, tiah khuami pakhat nih a chim. BuKaLay khua cu zan sml 10.00 in zing sml 4:00 tiang zan chuah loding in nawl an chuah, tiah tualchung mi sin in theih a si. Crd: The Chin Post

error: Content is protected !!