Ram Le Miphung Caah Kan Ram Pasaltha Nunnak Aliam Than E - TIMES OF CHIN NEWS

Ram Le Miphung Caah Kan Ram Pasaltha Nunnak Aliam Than E

Tanintharyi ramthen, Dawei peng chungah dotlhennak ralkap phu pakhat a si mi Dawei mizapi vengtu ralkap phu DGRF in ralkap pakhat cu bomb chuahsual ruang ah a nunnak aliam tiah DGRF nih cathanh an chuah. Kum 36 a si mi DGRF ralkap bomb lei tuanvo ngei ralkap Ko Myo cu a luancia June 18 ah bomb an hneksak nak ah an chuahsual i a nunnak a liam hi a si.

A nunnak liam mi ralkap Ko Myo cu ram caah paral tha a si i PDF ralkap hna an duhning in Repeat the order kan chuah lai lo i dotlhennak a dih hnu ah kan chuah te lai tiah DGRF nih an thanh.

Thawngpangdang………… Daw Aung San Suu Kyi he tazacuai a tongtu chawleh thal lei ah ruahnak petu Chawleh thiam Sean Turnell cu Nyi Pyi Daw thonginn chung biaceihnak zungpi ah chuahpi a si cang lai tiah AFP nih a langhter.

Chawleh thiam Sean Turnell cu Daw Aung San Suu Kyi he kan hnuzarh chung ah khan Nyi Pyi Daw sanghlei biaceihnak zungpi ah chuahpi a si tiah theih a si. Amah cu ramchung thawngpang thlithup phorzarnak case in SAC nih taza a cuai i, a sual bak ko timi tehte an hmuh ahcun a tlawmbik kum 14 tiang thongthlak a tong khomi a si.

Sean Turnell cu biathli simi rampi financial kong a theih hngalh caah tiin Daw Aung San Suu Kyi he tazacuai a tong ve i, Myanmar ramchung in zaam aa tim tiah sualphawt zong a tong nain SAC nih fiang tein thawngpang an chuahmi a um rih lo. Sean Turnell cu thlahpiak dingin Australia cozah nih voi tampi an nawl lengmang nain SAC leikap nih zeihmanh bialehnak an tuah lo. Crd: The Chin Post

error: Content is protected !!