Ralhrang Pawl Thiltuah Mi Vialte Cu UN Ah Phuandih A Si Cang - TIMES OF CHIN NEWS

Ralhrang Pawl Thiltuah Mi Vialte Cu UN Ah Phuandih A Si Cang

Ngakchia le Bawhte An Thah Mi le An Hrem Nak Cu UN Ah Report Ansi Cang.
Kawlram caah UNCHR Special Envoy (Palai) Tom Andrew nih UN Meeting a phuang mi asi. Raldoh lio ah thah mi Ngakchia le Bawhte (142); an tlai mi (14); Innlo chuaktak mi (250000) leng: Siorawl ah an tlaih mi ngakchia (61); Rallokap nih hramhram in Meithal le miakpi an kah I bomb an puak caah athih mi Ngakchia le Bawhte (382): Pum tlamtlin asi mi ngakchia tampi an um.

Ngakchia cheukhat cu hranhram in an tlaih hna; an tuk an velh hna; fak tukin an hrem hna; Namte in an sawh hna; Bia an hal buin an kut tin an khek / hlai piak hna; An ha an thlawngh piak hna, an chiaṭha an tan piak hna; Nu ngakchia cu an tlaihhrem rih hna; tbkin a fak khawh chung in an hrem hna tiah Tom Andrew nih UN ah report a tuah.

Kawlram Rallokap hremh nak le intuar nak in an luat khawh nak hnga, ngakchia cu chanchuah aum ballo, Rallokap cozah phaisa a bawmh tu le hriam azuar tu cung ah biatak tein dantat awk asi cang. Culocun hmailei ah cinthlak tu ding ngakchia kan harsa cang lai tiah Tom nih Ngaichiat ngai in achim.

Ngakchia kum 18 atlin rih lomi cu Kuli hlawh ter a ngah lo, Ralkap ṭuanter zong a ngah lo; CDF / CNA lut zong a ngah lo; Geneva le UN nih an hngalh ahcun tazacuai in dantat, thongthlak khawh asi; Asilo le Ramdang bawmhnak kip pek lo asi ve lai. Child Rights timi Ngakchia Covo nih a khap bak mi asi. Kum 18 tlin lo mi CDF ah an lut ah cun cohlan lo si cang seh. Amah nih aduh tuk ahcun Training tuah rih hlahseh, Raldoh ve hlah seh, rawl tu chum ter ko uh law, fialchuk fialcho tu ah I hmang rih koseh.

CDF hi biatak tein cazin check sisehlaw, Geneva law he aa zikmawi ding lawngte kan si hnga? Geneva ah Tazacuai kan si ve lai I Ralhrang dohcan hmanh ngeih lo khawh kan si hnga. Ralhrang Rallokap Crime Against Humanity le War Crime nawl an buar lawng asi lo. Child Rights a buar mi an si cang ti cu Vawleipi le UN hngalh asi nain, acung ah tazacuai le dantat nak kan tuah khawh fawn lo. Pakhat pa chimh dan khan cun hrithlai in thah cawlh ding phun in a chimh ko nain, mi nalh asi lai kha pa kha. Lihchim a ṭih lo mi pa asi lai. Zeitintiah an phunhawi hi lih le hrawkhrol in aa cawm mi an tak tuk ngamsam.

Pupa phungthluk ah bia cu thli ah aacang I ca cu ro ah aacang. Kutke sam ahcun chanchuah asi an ti pei tiah. An ka le ca lawng in an kan bawmh caah roca cu tamtuk kan ngeih cang nain, kan ralpa cu kan thluk khawh bal ve lo. Nitlak ram le UN nih kutke samh in an kan zuang hnawh lo ahcun MAH hi ahrik athak ve ti lo. Hriamnam le phaisa in an kan chuah hnawh lo ahcun santlai nak angeih lo. UN le Nitlakram thawh mi Humanitarian ti mi sifak bawmhnak zong MAH kut in ṭuan ding asi. Mah kutke tein ral tei hlan lo tiang doh ko usih tiah sawm buin……. credit; Zingtincuai Cinzah

error: Content is protected !!