Ram le miphun caah nunnak aliam mi ralkap Sung Ye le Pwint Phyu cu thi cang ko hna hmanh sehlaw an phuhlam nak caah an hawile asi mi PDF nih hramhram in uk nak ala tu ralhrang pawl le Pyu Saw Htee pawl cu an va kah hna caah minung 25 an thi tia Tamu PDF nih cathanh an chuah.

Kah doh nak cu nizaan June (22) ni zingka suimilam 10:30 in athawk i Tamu pengkomh, Pan Thar khua ah asi i mah kah doh nak cu Tamu PDF lei nih an thawk hmasa mi asi. “Aluan cia mi caan ah Pyu Saw Htee nih an rat kah hna ruangah nunnal aliam mi ralkap Sung Ye upat pek nak caah le

Pwint Phyu khua ah nunnak aliam mi kan hawile caah phuhlam kan duh caah mah kah doh nak cu Sung Ye kah doh nak tiah min kan pek i kan thawk mi asi” tiah Tamu-PDF (tat-yiin-3) nih tuni ah cathan an chuah. Kah doh nak cu ralhrang nih motor (2) in bawmh ding in an rat ra ko nain lampi ah kan kham hna.

Kah doh nak cu zaanlei suimilam 4:30 tiang afak i ralhrang lei in minung 25 an thi i hliamhma tuar mi zong an um tiah kan theih. Cun PDF lei in pasaltha minung 5 nih fak tuk si lo in hliamhma an tuar ve. Sung Ye kah doh nak cu Tamu tat-yin 1, 2, 3 le Special Tassk Force nih an kah hna i Tamu PDF tat-yin 4 nih lampi ara mi an kham ve hna tiah kan theih.