Myanmar Ruangah Hnahnawhnak le Dawnkhannak Achuahter Awk Si Lo - TIMES OF CHIN NEWS

Myanmar Ruangah Hnahnawhnak le Dawnkhannak Achuahter Awk Si Lo

SAC nih nawlngeihnak an laak hnuin Asean nih kan hawile ramdang dang hna he trade kong ah zeihmanh ceih kho loin hnahnawhnak a chuahter tiah MalaysiaForeign Minister Datuk Seri Saifuddin Abdullah nih a chim. Asean nih kan hawile ramdang dang hna he trade kong he pehtlaiin hnatlaknak minsen thut

a herh sual ahcun Myanmar ruangah hnahnawhnak le dawnkhannak a chuahter awk a si lo tiah Minister Saifuddin nih a chim. Cu caah Myanmar tel loin Asean ram 9 he hnatlaknak minsen kan tuah hnga maw ti hi ruah a herh cang tiah a chim.

Asean ramchung ram pakhat khat nih minsen a thut duh lo ahcun a tangmi ram 9 nih minsen thut a ngah lo ruangah Asean nih Europe telh in kan hawile ramdang dang hna he trade kong ah thanchonak lei a panh khawh lonak a si caah hithil hi zohfel a hau  tiah a chim.

Myanmar ramchung ah remdaihnak a chuah khawh lomi kong ah Malaysia cozah nih kan khuaruah a har, kan thin a phang ngaingai i, Myanmar rammi mizapi hna cu nifatin tein thah an tong cuahmah rih ko bantukin himnak kawl in

a tlizaammi hna nih bawmhnak zeihmanh an co/hmuh rih lo caah Malaysia ah a rami zong an hung karh nak a si tiah a chim. Asean le India ramdang palai hna tonbiaruahnak a dih hnuin New Delhi ah an tuahmi thawngpang fianternak ah a cunglei bantukin a chim tiah Malaysia hrambunh Bernama News ah June 21 ah an langhter. Crd: The Chin Post

error: Content is protected !!