Khrihfa Biakinn Ah Ralhrang Nih Khua Upa An Uah Hna I Tih Nung Tuk Mi Ralrin Nak An Pek Hna - TIMES OF CHIN NEWS

Khrihfa Biakinn Ah Ralhrang Nih Khua Upa An Uah Hna I Tih Nung Tuk Mi Ralrin Nak An Pek Hna

PDF nih an kan kah ṭhan ahcun ThanTaung khua chung ah hriamngan in kan kah lai, tiah SAC ralkap nih mizapi cu an tlerh hna. June 22 ah Karen ramkulh, ThanTaung khua chung um biaknak hruaitu hna le khuanu khuapa hna cu PeLayWay Khrihfa Biakinn ah SAC ralkap nih an auh hna i,

a cunglei bantukin an tlerh hna hi a si, tiah Taw Oo Karen News nih a langhter. “ThanTaung khua chung ah humhimnak kan lak lioah PDF nih an kan kah ahcun ThanTaung khua dirhmun cu voidang bantuk a si ti lai lo, hinak in a zual lai,” tiah SAC ralbawi nih a chim.

June 20 ah ThanTaung khua Sataih zung pawng ah cheknak a tuahtu SAC ralkap cu, PDF nih Sniper in kan rak kah hna caah SAC ralkap Sergeant pakhat a rak thi, tiah ThanTaung PDF nih cathanh an chuah. Kum 2021 a dongh lai ah ThanTaung -Bawkali khua hlatnak lam ah SAC ralkap cu

atu le atu kah an tong i, bomb puahhnawh an tong lengmang. Cu ruangah meng 16 sakhan um SAC ralkap bawi pakhat le a kuttang hna nih, OSitKung, Chaung Hna Khuah, meng 20 um khua le ThitSeTaung khuami, biaknak hruaitu le khuanu khuapa hna cu an tlerh hna, tiah Taw Oo Karen News nih a langhter. Crd: The Chin Post

error: Content is protected !!