Kan Ram Pasaltha Hna Camp An Lak, Athi Mi Le An Tlaih Mi Hna Zong An Um - TIMES OF CHIN NEWS

Kan Ram Pasaltha Hna Camp An Lak, Athi Mi Le An Tlaih Mi Hna Zong An Um

Kyaukpadaung peng tualchung hraimtlai phu Kyaukpadaung Defence Force camp cu SAC ralkap nih luhhnawh in an kahdoh hna caah KDF chungtel minung 2 an nunnak a liam i, 2 tlaih an tong tiah KPG Update News nih an thanh.

KDF sakhan cu Chauk peng Sinka khua le TaungNouk khua kar ah a ummi a si i, June 23 zinglei suimilam 6:30 hrawng ah SAC ralkap nih luhhnawh in an kah hna. “Kutser meithal he SAC ralkap cu lehrulh an si ko nain, hriam thazaang aa thlau tuk caah KDF camp cu kaltak a si.

SAC ralkap kahdohnak ruangah KDF chungtel 2 nunnak a liam i, hliamhma tuarmi 2 zong an tlik khawh lo caah tlaih an tong,” tiah KPG Update News nih a langhter. A dang KDF chungtel dihlak cu a humhimnak hmun an phan kho dih cang. SAC ralkap nih KDF camp i, inn 2 cu an khangh. Hriamthil zeimawzat le thilri hna zong kan sung, tiah KDF nih an chim.

Ralhrang (25) An Thah Hna: Sagaing ramṭhen, Tamu peng Panta khua ah SAC ralkap le pyusawhṭi hna cu tualchung hriamtlai phu nih June 22 zinglei suimilam 10:30 ah luhhnawh in an kah hna i cu kahdohnak ah cun SAC ralkap le pyusawhṭi 25 an thi, tiah Tamu PDF battalion 3 sin in theih a si.

Panta khua ummi SAC ralkap le pyusawhṭi phu hna cu Tamu tualchung hriamtlai phu battalion 3 le Special Task Force nih luhhnawh in an kahdoh hna i, cu kahdohnak cu PwintPhyu ah nunnak liammi tualchung hriamtlai phu hna caah lehrulhnak kan tuahmi a si, tiah Tamu PDF battalion 3 nih an thanh. Crd: The Chin Post

error: Content is protected !!