Kah Doh Nak Voi(200) Leng Achuak, Ralkiang An Tamtuk Ko Nain Bawmh Nak Aphan Lo - TIMES OF CHIN NEWS

Kah Doh Nak Voi(200) Leng Achuak, Ralkiang An Tamtuk Ko Nain Bawmh Nak Aphan Lo

Sagaing ramtthen, Yinmarpin pengkomh, Pale, Salinkyi, Yinmarpin, Kani peng hna ah June 1 in nihin tiang kahdohnak voi 200 hrawng a chuak tiah Yinmarpin PDF tuanvo ngeitu pakhat nih a chim. Kahdohnak ruang ah ralzaam zong nikhat hnu nikhat an tam nain Yinmarpin pengkomh chungah ramchung ramleng bomh nak a phan lo ti tluk a si.

” Yinmarpin pengkomh ah Kani, SaLinKyi, Pale, Yinmarpin an i tel. Cu hmun hna ah cun kahdohnak a fak, June thla chung ah Yinmarpin pengkomh chung ah kahdohnak voi 200 tluk a chuak i SAC ralkap nih Drone an hman, 60mm lung 2 an thlaih i Drone in an kan kah. Tank tucu an i ken ko nain an hmanglo” tiah a chim.

YinMarPin peng ah June 21 zanlei Sml 3:30 hrawngah Monywa – YarKyi – KalayWah lam hmun pakhat ah SAC ralkap cu bomb puahhnawh an tong tiah khuami hna nih an chim. Bomb puahhnawh an tonnak hmun cu Monywa- YarKyi – KalayWah lam meng 5 gate le BanBoi Yuamah khua karlak hmun pakhat ah a si i bomb puahhawh an si hnu ah SAC ralkap phu hna nih meithal an puah.

SAC ralkap bomb puahhnawh nak cu “ChoMineMine” Yinmarpin, Kani mizapi vengtu ralkap phufonh hna nih an tuah mi a si i SAC ralkap thimi le a hliammi an um nain a zat cu fiang in kan thei kho rih lo tiah PDF hruaitu nih a chim. Crd; The Chin Post

error: Content is protected !!