Indonesia Ah Australia Prime Minister Nih Myanmar Buainak Kong Achim - TIMES OF CHIN NEWS

Indonesia Ah Australia Prime Minister Nih Myanmar Buainak Kong Achim

May be an image of 1 person and text that says '"മരള ANTHONY ALBANESE 31ST PRIME MINISTER OF AUSTRALIA'

Myanmar ramchung ah nuhrin covo buarnak kong he pehtlaiin kan thin a phang ngai ko tiah Australia Prime Minister Anthony Albanese nih Indonesia a tlawnnak ah a chim. Phunglam reprai um lo ruangah nuhrin covo buarnak a chuah lengmangmi kong he pehtlai in Australia nih pehzulh in chim a herhmi paoh le tuah a herhmi paoh cu kan chim/kan tuah lai tiin Prime Minister Anthony Albanese nih Jakarta ah thawng latu hna sinah a chim.

Myanmar ram kong he pehtlaiin Indonesia ramdang pehtlaitu minister he tonbiaruahnak zong kan ngei cang tiah Australia ramdang pehtlaitu minister Penny Wong zong nih a chim. Myanmar konglam telh in Asia ramchung i thil sining hna hi a biapi tuk tiah a chim chih.

May be an image of 1 person and text that says 'Bet'

Australia ram nih Indonesia ram he i hawikomnak le pehtlaihnak cu a feh khawh nakhnga kan i zuam tiah Australia Prime Minister Albanese nih thawnhpang fianternak ahcun a chim. Vawlei cung ah thazaang ṭhawnnak a ngei veve mi Tuluk le US karlak i zuamcawhnak caan chung ah Asia ram hi a biapi tukmi a si tiah Prime Minister Anthony Albanese nih a chim. Crd: The Chin Post

error: Content is protected !!