CNF, KNU, KIA, KA Le PDF Nih Hmasa Nak In An Ram An Uk Khawh Deuh Cang - TIMES OF CHIN NEWS

CNF, KNU, KIA, KA Le PDF Nih Hmasa Nak In An Ram An Uk Khawh Deuh Cang

Khuapau dothlennak kum khat lengdeuh te chung ahhin Sagaing le Magway ramtthen chung i a biapi deuh mi lampi hna cu PDF nih 90% tluk an uk khawh cang tiah NUG nih a langhter. Nizaan ah tuah mi National Unity Government press conference ah Sagaing le Magway ramtthen chung ah a um mi a biapi deuh mi Lampi hna cu PDF nih 90% tluk an tlaih khawh cang. Cun ralfir in va kah lawng si ti loin hmaitonh bak zong in

kahdohnak an tuah kho cang tiah Press Secretary phu in Pu Nay Bung Lat nih a chim. Cun Yangon, Mandalay, Bagon ramtthen hna zongah SAC ralkap pawl cu ralfir in kahdoh an si cuahmah ko. Cun kan hawile tlangcung hriamtlai phu KNU, KIA, KA, CNF hna zong nih anmah le ram cio ah hmun tampi an uk khawh mi hi a hlannak in a kau deuh ngaingai tiah a chim chap.

Thawngpang Tha Dang: Sagaing ramtthen Chaung U le Minmoe karlak ah ai tlar zelzul mi SAC ralkap mawtaw 105 thluan hrawng cu PDF fonh nih an kah hna caah minung 20 leng an thi tiah an langhter. Nizaan Pur(June) 21 ni chun hnu sml 1:30pm hrawng ah Chaung U le Minmoe karlak ah a um mi Nat tidil kam ah SAC ralkap mawtaw 105 ai tlar zelzul mi cu

PDF nih an va kah hna caah ralhrang minung 26 an thi i minung 15 hrawng hliam an tuar tiah Mo Nay Toe Special Guerrilla Forces nih an langhter. Mytel tower thir in an ser mi bomb in an kah hmasa hna, cu hnu ah Mine bomb 3 in an puah hnawh fawn hna i SAC ralkap mawtaw 3 an khen hna tiah an langhter chap. Crd: SM

error: Content is protected !!