CDF-Mindat Nih Khuapi Chungah Le Ralbawi Ara Mi An Kah, Ralhrang Thi Mi An Um - TIMES OF CHIN NEWS

CDF-Mindat Nih Khuapi Chungah Le Ralbawi Ara Mi An Kah, Ralhrang Thi Mi An Um

No photo description available.

CDF-Mindat nih Mindat khuapi luhnak hngaktu SAC ralkap pawl an va kah hna i ralbawi a ra mi zong an rak kah hna caa minung 3 an thi tiah CDF-Mindat nih thawng an thanh. Tuzing sml 7:00am ah Mindat khuapi luhnak gate hngaktu SAC ralkap hna cu CDF-Mindat nih an va kah hna. SAC ralkap lei a thi mi an um kho tiah an langhter.

Cu thawngpang theih in ralbawi ding in a ra mi SAC ralkap hna cu Lah Wah Kah zung kam ah an rak kah ve hna caah SAC ralkap minung 3 an thi i, minung 5 hliam an tuar tiah thawng an thanh.

May be an image of mountain, tree and cloud

Thawngpangdang…… Karenni ram Hpruso peng in Demoso le Loikaw lei ah ralkap i thleng ding in a kal mi SAC ralkap hna cu Karenni ram mizapi ralkap fonh nih an rak kah hna i hriamnam ceilak te an chuh khawh hna.

May be an image of 1 person, outdoors and text that says 'HOTE NAD 5 CAMERA'

Tu thla Pur 9 – 12 tiang ah kahdohnak a chuak i, nizaan tihni Pur 12 ni kahdohnak ahcun SAC ralkap minung 10 nak tlawm lo an thi tiah KNDF nih an langhter. Cu kahdohnak ah SAC ralkap kut in an chuh khawh mi hriamnam cu tuni Pur 14 ah KNDF nih an langhter. Hi kahdohnak hi KA, KNDF, Loikaw PDF le DMO PDF fonh nih an tuah mi a si. Crd: SM

error: Content is protected !!