An Ral That Ning Cu! Ralhrang Motor (100) Leng An Kah Hna, Thi Mi Zong An Tampi - TIMES OF CHIN NEWS

An Ral That Ning Cu! Ralhrang Motor (100) Leng An Kah Hna, Thi Mi Zong An Tampi

Sagaing ramtthen Chaung U le Minmoe karlak ah ai tlar zelzul mi SAC ralkap mawtaw 105 thluan hrawng cu PDF fonh nih an kah hna caah minung 20 leng an thi tiah an langhter. Nizaan Pur(June) 21 ni chun hnu sml 1:30pm hrawng ah Chaung U le Minmoe karlak ah a um mi Nat tidil kam ah SAC ralkap mawtaw 105 ai tlar zelzul mi cu

PDF nih an va kah hna caah ralhrang minung 26 an thi i minung 15 hrawng hliam an tuar tiah Mo Nay Toe Special Guerrilla Forces nih an langhter. Mytel tower thir in an ser mi bomb in an kah hmasa hna, cu hnu ah Mine bomb 3 in an puah hnawh fawn hna i SAC ralkap mawtaw 3 an khen hna tiah an langhter chap.

Thawngpangdang…………… SAC ralkap nih Magway ramtthen Pakokku peng ah PDF do mi minebome an kawl i ruah lo in a puah hnawh hna caah SAC ralhrang minung 2 an thi tiah theih a si. Nizaan Pur 20 ni zaanglei sang ah khan Pakokku peng Bung Kan khua pawng ah mine bomb a kawl mi SAC ralkap hna cu an kawl mi mine nih a puah hnawh hna caah

minung 2 a hmun ah an thi colh tiah Myaung PDF ralkap pakhat nih a chim. “Kan mine bomb hi a tam ngei, 15 hrawng a si i cucu an rak kawl, tongh bak in a puak mi bomb 3 a puak. Ahmun ah SAC ralkap 2 an thi colh” tiah a chim. Hi ti bomb an va do hnawhnak hmun hrawng hi SAC ralkap le Pyu Saw Htee hna nih mi an check nak le hmun an khuar nak a si caah hi bantuk in mine bomb an va do hnawh hna hi a si. Crd: SM

error: Content is protected !!