Tuni Ah Fighter Jet(Vanlawng) In An Kah Hna Caah Hliamtuar Mi An Um - TIMES OF CHIN NEWS

Tuni Ah Fighter Jet(Vanlawng) In An Kah Hna Caah Hliamtuar Mi An Um

May be an image of mountain, body of water and tree

Tuzing May 19 zinglei sml 2:00am hrawngah SAC ralhrang nih raltuknak Vanlawng in KNLA mipi ralkap fonh hna cu an rak kah hna caah mipi ralkap fonh lei in hliam a tuar mi an um tiah theih a si. “Fighter Jet 2 in LayKayGaw kiangkap ah voi hnih bak bomb an hong thlak caah kan mah lei in hliam a tuar mi kan um, asinain a thi mi le hliam hma fak a tuar mi cu an um lo”tiah KNLA mipi ralkap fonh in nawlngeitu pakhat nih a chim.

“Ruah lo piin May 19 zaan sml 2:02am hrawng ah ralhrang Vanlawng nih bomb a rak kan thlak hnawh caah mipi ralka 3 hliam hma a tuar. An hma a fak lo, tu hi Si inn ah thlop an si”ti zong ah mipi ralkap fonh in ralkap pakhat nih a ttial ve.

May be an image of 13 people and outdoors

Nizaan May 18 ah KNLA mipi ralkap fonh nih LayKayGaw he ai naih mi Taybawboa ralhrang camp cu bomb le kuanfang lak ah ralttha taktak in an kah chih ve hna caah an lak khawh. SAC ralkap nih Vanlawng le Helicopter le Drone ngan mi pawl in a rak kah ve hna caah khuami 300 tluk Thailand ram ah an zaam hna.

Thawngpangdang………. Min Aung Hlaing min in a um mi inn 4 cu leilam in kan zuar lai tiah NUG in minister Tin Tun Naing nih a chim. NUG Minister of Planning, Finance and Investment a ttuan lio mi PU Tin Tun Naing nih cun Yangon khuapi chungah ralhrang bawi Min Aung Hlaing min in innhmun 4 a um, an dih lak tein leilam in kan zuar lai tiah tuchun ah a chim.

Cu lawng hlah Min Aung Hlaing fale pawl nih chawlehnak an tuahnak zong an um hna tiah a chim chap. Cun Yangon khualipi lawng bak ahhin Min Aung Hlaing le a ralbawi pawl nih an chuh mi innhmun 60 hrawng a um ti zongah a chim. Kan hnung te ah khan NUG nih cun Min Aung Hlaing nih Yangon khuapi ah a ngeih mi inn Inya lampi kam a um mi cu US dollar 10 million an hauh i Share cawknak in an zuar cang. Crd: SML

error: Content is protected !!