Ram Caah Apek Tuk Ning, Hringtu Anu Sinah Zaankhat Hmanh Um Lo In Atu Ah Cun Nakan Liam Tak Mu: By Elishama - TIMES OF CHIN NEWS

Ram Caah Apek Tuk Ning, Hringtu Anu Sinah Zaankhat Hmanh Um Lo In Atu Ah Cun Nakan Liam Tak Mu: By Elishama

May be an image of 7 people

Kachin ram in na rak tlun le cang ka in khua hmanh ah tan ta lo in camp ah na lan. Cu dih cun khua ah na chungkhat ton ah tlun naa tim. Ka kawi na ka zul ko na ti. Aw kan zulh lai kan ti. Kan pahnih tein nan khua ah kan kal. Na nu le na far inn ah kan lut. Kum thum chung ah na nau pa nih an liam taak. A ruak hmanh na hmu lo. Na nu le na far nih an in hlam tuk. Inn chung na luh le cang ka in na nu le na far nih ngaihnak mitthli he an in kuh an i ttah.

Na pawng tein ka mitthli a rak tla. Zaankhat hmanh riak lo in raalram ah kan kir tthan. Ram le miphun caah cun na ngaih tuk mi na nu le na far te zong kal taak a poi lo na ti. Nang cu nupi ka tthit tikah ah ka pawng te ah na ka dir pi lai na rak ka ti. Kawi na rak ka tlaih.

No photo description available.

Kawi Biak…… Ka nu le ka far nu zohkhenh an hau na ti lo maw? Na dawt tuk mi na thinhnem zeitin a tuar khawh lai. Zeitin na kawi nih ka tuar khawh lai. Kawi awwww… Lungdai tein rak i din mu. Zeihmanh na lungsia rak herh hlah mu. Kan dawt tuk kawi. Video :Kachin ram na rak tlun lio i na nu le na far he nan i ton lio si mu. Crd: Salai Elishama

error: Content is protected !!