Ralzaam Mi Caah CDM Doctor Nih Zoh Ding In Si-Khan An On - TIMES OF CHIN NEWS

Ralzaam Mi Caah CDM Doctor Nih Zoh Ding In Si-Khan An On

May be an image of 5 people, people sitting and people standing

Mizoram , Zohkhawthar ah Myanmar ralzam mi hna ca ah a lak in thlop khawhnak dingah, Myanmar Refugee Clinic cu May 18 zanlei ah Mizoram Minister of Transport and Forestry, PuTJ.Lalnuntluanga nih onnak a tuah, tiah theih a si. Sii-khan cu cawn nikhat in cawn ninga ni tiang on a si lai i, CDM doctor hna nih an zoh hna lai. Sii-khan ca ah a herhmi thilri cu American um Chin Community ICA, CBANA le Mizoram Student`s Union le

Myanmar Refugee Relief Committee, Mizoram hna nih ṭuanvo an laak, tiah theih a si. Cu Sii-khan ah Mizoram cozah nih ralzam card a chuah piakmi a ngeimi hna cu, a lak tein an zoh hna lai. Khuate ah ummi a sifak tukmi mizaw zatuak 50 cu a lak in zoh a si lai, tiah theih a si.

May be an image of 2 people

Sii-khan ah rian a ṭuanmi le doctor pawl cu cawn nithum chiar te Champhai khua kam um Myanmar ralzam camp ah a lak in an va zoh lengmang hna lai, tiah theih a si. Zokhawthar cu Falam peng, Rihkhawdar khattelei ral ah a ummi khua pakhat a si. Cu khua ah Myanmar ralzam chungkhar 700 leng, milu in 3800 leng an um.

Thawngpangdang…………. Sagaing ramṭhen, Shwebo peng Kyauk Myuang Chief of Police aa citmi motor, Letkohkyiah khua khangtu SAC ralkap pawl cu, tualchung PDF nih bomb kan puahhnawh hna caah SAC ralkap chungtel 3 an thi, tiah Nattaung Naga PDF sin in theih a si. Shwebo peng Ta-Ung khua nichuah lei Cundaw kam ah May 16 chun sml 12:00 hrawng ah, sakhan hmu aa citmi

Mark 2 motor cu PDF nih bomb lung 4 in an puahhnawh caah aa citmi a thimi le aa hliammi an hngal kho rih lo, tiah theih a si. Letkohkyiah khua cu SAC ralkap nih May 17 ah inn a kang rih lomi pawl cu motor 4 in an ra i, an khangh ṭhan. Thilri zong tam tuk an fir. Khua an khangh dih an kir lei ah PDF nih an kah hna i Pyusawthi 3 an thi, tiah theih a si. Cu kahdohnak ah GHOST RIDER Special Task Force BURMA le ShweBo SBDF (1) hna i bawm in an kah hna, tiah theih a si. Crd; The Chin Post

error: Content is protected !!