Karenni State ah hramhram in uk nak ala tu SAC ralhrang pawl an motor run cu  Karenni National Defense Force  tat-yin-16 le Karenni Army KA i bawm in a peh peh in mine in an phomh hna caah ralhrang pawl an motor 5 nak tlawm lo arawk i

athi mi zong an tam khawh men tiah Karenni National Defense Force nih cathanh an chuah. May 7 ni ah Karenni National Defense Force S- 16 le Karenni Army KA i fonh in ralhrang pawl an motor run pi cu mine in an puah hnawh hna. Mah ka ah cun ralhrang pawl an motor run cu pathum a rawk i athi mi zong an um khawh men. Arawk mi ralhrang pawl an motor cu Karenni phufonh nih mei in an khangh i an hrawh beh tiah kan theih. Mah bantuk thiamthia in cun

May 4 ni zongah ralhrang pawl an motor run pi cu Karenni National Defense Force S- 16 le Karenni Army KA i bawm in mine an puah hnawh rih hna caah SAC ralhrang pawl an motor pahnih arawk i ralhrang lei in athi mi zong an um khawh men tiah kan zumh tiah nihin ah thawng kan theih. Source: Khit Thit Media

#Siang Cachim Training An Pek Hna: Kaya(Karenni) ramkulh Demoesoe pengkomh Hprosu peng Mayse ah caan karlak fimcawnnak ca ah a hlei in zaanghlei cawitu siangcachim (saya/sayama) 900 leng cu training kan pek khawh hna, tiah Kaya ramkulh fimcawnnak saya/sayamah phu nih May 11 ah cathanh an chuah.

NUG Education Department nih, a chuahmi Video file tete zong saya/sayamah lawng si loin siangngakchia ca zong ah ṭha hnem santlai a si khawh nakding ah, Memory Sticks in an chiah hna. Training petu saya/sayamah pawl cu lawmman tlawmpal cio an pek hna, tiah theih a si.

A ra laimi caan karlak fimcawnnak ca ah timhcia tein kan um khawh nakding le hlawh a tlin nakding ah, Kaya ramkulh fimcawnnak saya/sayamah phu, CDM saya/sayamah, Volunteers mino le khuanu khuapa an dihlak fonh in an i zuam cuahmah, tiah theih a si. Crd: The Chin Post