Ralkap Motor An Kah Ruangah Ralbawi Telh In Tampi An Thi - TIMES OF CHIN NEWS

Ralkap Motor An Kah Ruangah Ralbawi Telh In Tampi An Thi

Sagaing ramṭhen, Pale peng Pale-Gangaw kar ah SAC ralkap pawl cu bomb puahhnawh an ton caah Captain telh in 9 an thi, tiah theih a si. “May 12 zinglei ah Pale-Gangaw lampi Letpakan khua hnulei ah SAC ralkap pawl cu bomb puahhnawh an tong i, Captain telh in ralkap 9 an thi.

May be an image of 5 people, people standing and outdoors

Kan theih hram thawk cu 6 an thi, tiah kan theih nain Zaan thawngpang kan theih ṭhan tikah Captain pakhat telh in ralkap 9 an thi,” tiah Peacock Black Guerrilla hruaitu nih a chim. “A thimi Captain pa a ruak cu Pale khua um thlanhmun ah nihin May 13 ah an vui lai. Thlanhmun kam hrawng cu SAC ralkap 50 hrawng nih a congh,

tiah Pale khua chung um palik pakhat thawng peknak in kan theih,” tiah a chimchap. Bomb kan puahmi hna lakah SAC ralkap mawṭaw 6 cu Pale khua an kir i 4 cu Letpakan khua ah umhmun an khuar. Cu hnuah Khawtaniti khua ah an i ṭhial, cuka ah cun Captain pa cu a thi.

May be an image of 7 people, people standing and outdoors

Captain pa ruak cu a thli tein Pale khua lei ah an kalpi i Pale thlanhmun ah SAC ralkap 50 hrawng nih an congh mi hi, Captain a thihnak kong mizapi theihter an duh lo i a si kho, tiah palik pakhat nih a ruahdamh. Pale khua chung ah SAC ralkap le palik pawl zan ah an i chawh ngam lonak hi a sau ngai cang, tiah theih a si. Crd: The Chin Post

error: Content is protected !!