Sagaing ramṭhen, Salinkyi-Yinmarpin lam ah PDF pawl a hram in kan bongh hna lai, tiah a chimtu SAC ralkap Lieutenant Colonel Tin Htu Naing cu bomb puah nakin a thi, tiah a chungkhar he naihniam sin in theih a si. May 10 ni ah Salinkyi-Yinmarpin lam cungah bomb puah an tong i Kalay in Battalion Commander, Lieutenant Colonel Tin Htu Naing-kum 39 a thi. A ruak cu Monywa Na Ma Khah thlanhmun ah an kalpi i nihin May 12 ah an vui lai, tiah theih a si.

“A nupi cu Helicopter in Kalay in Monywa a rak phan cang, A nu le pa, a ni le a nau nu zong Yangon in an ra, Tin Htu Naing hi kum 8 a si mi fa pakhat a ngeimi a si i Hramhram in uknak an laak mi hi a duh tukmi a si. PDF pawl hi a hram in kan bongh hna lai,

tiah a chim zungzal tu a si tiah chungkhar he naihniam pakhat nih a chim. Cu ṭhiamṭhiam in Kalay kahdohnak April 22 lio zongah Khah La Ya87 in ke ralkap -51095 Captain Htet Aung Khaing, Khah La Ya 28 in Ta-567868 Yan Naing Kyaw, Company 6 in La 225362 palik bawi chang

Soe Min Thu le Khaing Zaw Lin hna an ruak cu May 10 ah an laak i Inkyun thlanhmun ah an khangh hna, tiah theih a si. An ruak a fimhlawmtu hna cu- Company 6 in Deputy Chief of Police Chit Ko Ko, Captain Yar Za Myo, Pyusawthi hruaitu Ngian Lin Aung, Major Than Naing le Captain Zoe Thu Thun hna an si, tiah a si. Crd: The Chin Post