Phunninglo In Midang Ram Ah Alut Mi Myanmar Mi Tilawng Alet, 3 An Thi, 6 An Tlau - TIMES OF CHIN NEWS

Phunninglo In Midang Ram Ah Alut Mi Myanmar Mi Tilawng Alet, 3 An Thi, 6 An Tlau

No photo description available.

Thailand ram ah phungninglo in a lut mi i Myanmar rammi nih zulhmi tilawng cu May 21, zaan suimilam 9:00 ah Myawady pengkomh Thailand-Myanmar ramri Tawngyin tiva chungah aa leh caah 3 an thi i 6 an tlau tiah tualchung mi nih an chim. ” Cu tilawng ah minung pazeizah an cuan fiang tein kan theilo, a tutiang ruak hmuhmi cu 3 an si, an pathum in nu an si. A dang minung 6 an tlau tiah an chim, nu pakhat chanhchuahmi zong a um.

An tilawng ai leh ni hi ruah faktuk in a sur i ti a lianh ni a si” tiah tualchung mi nih cun an chim. Mi ruak hmuhmi 3 cu Phaloelay sakhan ah SAC ralkap nih mei an khangh hna. Cu tilawng cung aa telmi hna chungin Pago ramthen Tanatpin peng Kala Chawng khua in mi tambik an i tel i,

cu khua in pa pakhat zong a tlau tiah an chim. Tukum chung Thailand ram ah phungninglo in riantuan dingah a lutmi Myanmar ram mi hna cu Thailand ramri ah nitin ngawt in an tlaih hna i, motor accident nak le motor hnulei ah khumh in oxygen donghnak ruangah nunnak liammi hna zong an um tiah theih a si. Crd: The Chin Post

error: Content is protected !!