Thawngtha: Ralkap Tampi An Thah Than Ve Hna - TIMES OF CHIN NEWS

Thawngtha: Ralkap Tampi An Thah Than Ve Hna

May be an image of 5 people, people standing, outdoors and text

Sagaing ramṭhen Htichait peng ah SAC ralkap motor ruun cu tualchung hriamtlai phu hna nih pa-de-ta bomb an puahhnawh hna caah SAC ralkap 12 an thi i minung 10 hrawng nih hliamhma an tuar, tiah Tigyaing Revolution -TR nih a thanh. Nihin May 5, zinglei suimilam 8:00 hrawng in Htichait – Myaukpin lam ah a kal mi, pyusawthi zulh mi SAC ralkap motor 2 cu Htichait tualchung hriamtlai phu hna nih pa-de-ta bomb lung 8 he an doh hna, tiah theih a si.  Bomb an puah hnu ah 40mm bomb le hriamhme hmang in an kah chap hna i, an i tinhnak hmun an khenh khawh caah

SAC ralkap le pyusawthi 12 an thi, minung 10 leng nih hliam an tuar, tiah Htichait tualchung hriamtlai phu nih an thanh. SAC ralkap nih an hman mi hriamngan kahnak in tualchung hriamtlai phu chungtel pakhat cu a nunnak a liam, tiah an langhter chih. SAC ralkap pawl cu hnu an tolh i Htichait khuachung ah umhmun an khuar, tiah tualchung mi nih an chim.

May be an image of 7 people, outdoors and text

Thawngpangdang………. Magwe ramṭhen, Myaing pengchung ah a luancia May 1-4 tiang SAC ralkap le tualchung hriamtlai phu karlak pehzul in kahdohnak a chuak. Kahdohnak a chuahnak hmun hi Myaing peng chaklei Watpuhtat khua he a naihnak hmun ah a si i, kaphnih in hriamngan le hriamhme hmang in nifatin ngawt in an i kap. Cu nili chung kahdohnak ah cun SAC ralkap 11 an thi, tiah kahdohnak ah aa tel mi

Myaing Villages Revolution Front in tat-yin-hmu Dawng Min nih a chim. Kaphnih kahdohnak in May 1 ah SAC ralkap 5, May 2 ah 2, May 4 ah 4 ti in an dihlak ralkap 11 nili chung ah an thi, tiah tualchung hriamtlai phu nih an chim.

May be an image of 5 people, people standing, outdoors and text

Nili chung kahdohnak ah SAC ralkap nih ralzaam dirhmun in um mi minung 13 cu an tlaih hna, cupin ah ralzaam dang 2 cu meithal he an kahthah hna, tiah tat-yin-hmu Dawng Min nih a chim chap. SAC ralkap hna nih kahdoh a chuahnak hmun pawng hrawng um mi Yuatitgyi khua inn 71, Tanbugyi khua inn 10 le Hnantagyi khua inn 7 lengah cycle 30 le motor 1 cu meikhangh in an hrawhpiak hna, tiah theih a si. Crd: The Chin Post

error: Content is protected !!