Nepal Ah Minung 22 An Icit Mi Vanlawng Cu An Hmuh Cang - TIMES OF CHIN NEWS

Nepal Ah Minung 22 An Icit Mi Vanlawng Cu An Hmuh Cang

May be a closeup of 1 person and child

Nepal ram ah private Vanlawng pakhat cu, May 29 ah minung 22 a phorh hna i a tlau beh, tiah Vanlawng lei tawlreltu le Nepal cozah nawlngeitu hna nih an chim. Cu vanlawng cu Himalayan tlang ah minung 14 ruak he hmuh asi tiah nihin ah theih asi. Vanlawng cu Nelpal khualipi Khatmandu in nitlak chaklei Km 200 hrawng a hlatmi Pokhara khua in nitlak chaklei Km 80 hrawng Jomsom ah a zuang. Vanlawng cu Canada ram nih chuahmi Twim Otter a si i, Tara Air nih a ngeihmi a si.

Vanlawng aa citmi chung in India rammi 4 le ramdang mi 2 an i tel, tiah Vanlawng lei tawlreltu pakhat nih a chim. Vawleicung tlang sang bik umnak Nepal ram ah Vanlawng tual kaupi a um i khua caan aa thlen caah le tlang par ah a ummi a si caah cangsual a um pah lengmang, tiah theih a si.

May be an image of 4 people, helicopter and outdoors

Thawngpangdang…….. Sagaing ramtthen, Kalaymyo , Sanmyo veng BEHS No.8 cu May 29 zinglei ah mei a kaang i Sianginn building cheukhat a kang i an rawk. Sianginn pawngah a um mi khuami pakhat nih ” ziangkaa te ah kahdohnak thawng kan theih i Cu tlawmpal ah sianginn 2 a kaang, Thinginn a si mi sianginn pakhat cu a ciam dih. Building pakhat tucu a ciam dih lo ” tiah a chim.

A kaangmi sianginn cu meithat hmit loin SAC ralkap pawl nih an hmih tiah Sanmyo veng mi pakhat nih a chim. Basic Education High School No. 8 kanghnak kong he pehtlai in SAC ralkap lei nih PDF nih an duah mi a si tiah cathanh an chuah nain PDF lei nih cun kan si lo an ti.

May be an image of 10 people, people standing and mountain

Kalay PDF Battalion 6 ralkap Ko Japan Gyi nih ” mah sianginn a kangh zaan kha kahdohnak a um. SAC ralkap nih hriamngan an kah mi nih a tlak ruangah a kaang mi a si kho. Kanmah PDF lei nih cun sianginn cu an khangh lo bantuk in thingkung kungkhat te hmanh mei kan khang lai lo ” tiah a chim. Crd: The Chin Post

error: Content is protected !!