Myanmar Mi Mizoram Ah Sianginn Apeh Mi Tampi Nih Teinak An Hmu - TIMES OF CHIN NEWS

Myanmar Mi Mizoram Ah Sianginn Apeh Mi Tampi Nih Teinak An Hmu

May be an image of 8 people, people standing and outdoors

Nizaan(May 17) chun suimilam 12 ah khan Mizoram Board Of School Education (MBSE) nih High School Leaving Certificate (HSLC), tanghra exam result 2021 (sungh/awn) a chuah i a pumpi ah Dinsawmkimi, St Joseph Higher Secondary School, Aizawl i a cawnglio mi le Lalramdina Ralte, St Paul’s Higher Secondary School, Aizawl i a cawnglio mi hna cu pakhatnak an si. An pahnih in mark 500 ah mark 486 an hmuh veve.

Tukum tanghra exam ah aa tel mi Sianghngakchia 17,417 lak ah 12,304 nih hlawhtlinnak an hmuh i, hlawhtlinnak a hmu zat hi (zatuak in) 70.64% a si. Hlawhtlinnak hmu kho loin a sung mi 4,928 an um. Tutan hlawhtlinnak a hmu mi lak ah 1437 cu Distinction in an awng i, First Division ah

May be an image of 8 people, people standing and outdoors

3716, Second Division ah 4309 le Third division ah minung 2842 hna nih hlawhtlinnak an hmuh. Myanmar ram buai ruangah Sianghngakchia tampi cu ralzaam dirhmun phan in Mizoram ah sianginn a peh mi District kip ah an um i, tutan tanghra exam ah hin mi tampi nih hlawhtlinnak an hmuh, tiah theih a si.

May be an image of 3 people, people standing and outdoors

Kum 2021 Tanghra exam result chuak ah hlawhtlinnak a hmu mi lawmhpinak le a sung mi hna tuarpinak ah Lai Students’ Association, General Headquarters Lawngtlai nih cathanh an chuah i, LSA General Headquarters Lawngtlai nih cun tanghra exam ah hlawhtlinnak a hmu mi vialte hna cu an lawmhpi hna leng ah hmailei caan ah lungsau te in an cacawnnak pehzulh ding le ram le miphun ca ah zohchunh awktlak si ding in duhsaknak an hlanh hna. Crd: The Chin Post

error: Content is protected !!