Kum Saupi Unau Bantuk Adaw Mi An Si Ko Nain KNDF Nih Nihin Ah Ralrin Nak Apek - TIMES OF CHIN NEWS

Kum Saupi Unau Bantuk Adaw Mi An Si Ko Nain KNDF Nih Nihin Ah Ralrin Nak Apek

SAC ralkap he nan ṭanṭi peng rih a si ahcun kan ral nan si cang caah kan in kah hna lai, tiah SAC ralkap kuttang hriamtlai Pyitusit PaOo National Organization(PNO) cu KNDF Battalion 3 nih nihin May 13 ah ralrin peknak cathanh an chuah.

KNDF Battalion 3 an cathanh ah, “SAC ralkap pawl he i fonh in umhmun khuarmi PNO ralkap cheukhat a thimi an um, Pa Oo miphun pawl hi Karenni miphun he unau bantukin kum saupi aa daw i, a tlong lengṭi mi kan si, Chiat caan ah kan i ngaihchiat pi i, ṭhat caan zong ah kan i lawmhpi, Cucu hlan lio piin nihin tiang kan i dawtnak a si.

SAC ralkap lei nan ṭan hi tlangcung miphun le Pa Oo miphun karlak ah rem lonak thil a chuak kho, Pa Oo miphun kan in dawtnak hna hi a sunglawi tuk ah kan chiah, Sihmanhsehlaw SAC ralkap lei ṭang in kan ram chung nan rak luh a si ahcun kan ral nan si i, kan in kah hna lai, Cuti kan tuahmi cu Pa Oo miphun kan in huat hna ruangah si loin Kamah le kanmah kan runven bia si” tiah an langhter.

SAC ralkap nih Demoesoe lei rallam a sial lioah an ṭangṭi i an kan doh, tiah an langhter chih. Nizan May 12 zinglei ah KNDF Battaliin 3 le Phekhong PDF Bataalion 2 i bawm in PNO le SAC ralkap umhmun an khuarnak Htirih camp an kah caah SAC ralkap lei in 15 an thi, PNO ralkap 3 le SAC ralkap 2 a nung in an rak tlaih hna. Crd: The Chin Post

error: Content is protected !!