Kan Ram Kongah Kan Mah Lawng Nih Kan Buaipi Lai: Min Aung Hlaing - TIMES OF CHIN NEWS

Kan Ram Kongah Kan Mah Lawng Nih Kan Buaipi Lai: Min Aung Hlaing

May be an image of 2 people and people standing

Hramhram uknak latu Min Aung Hlaing nih ”KNU, KIA le KNPP, EAOs phu hna hi PDF, CRPH he pehtlaihnak an ngeih lawng si loin ramdang he pehtlaihnak an ngeih caah, remdaih tonbiaruahnak ah kai an duh lo hi a si,” tiah a chim. May 12 Naypyitaw Council meetting ah remdaihnak kong he pehtlai in Council upa pawl hiti a chimh hna hi a si. Ramkhel, le ramchung buaibainak kong ah ram dang mi an i tel paoh ahcun zeitik hmanh ah remdaihnak kan hmu lai lo, tiah a chimchap.

“KNU, KIA le KNPP hna cu an hmunram ah ummi ralhrang PDF le CRPH he an i pehtlaihnak kan hmuh khawh, PDF le CRPH cu ram dangmi he pehtlaihnak an ngei fawn. An dihlak in pehtlaihnak an ngeih dih caah remdaih tonbiaruah kan sawmmi hna an cohlan lonak hi a si.

May be an image of 7 people, people standing and outdoors,By Chindwin News Agency

Ramkomh Myanmar rampi kong ah ram dangmi an i thlak ahcun daihnak hmuh a har ngaingai lai,” tiah Min Aung Hlaing nih cun a chim. Remdaih tonbiaruahnak he pehtlai in SAC nih, May 9 a donghnak cazin pek ding a ti bantukin NCA min a thumi phu 7 le a thu lomi phu 3, an dihlak 10 an kai lai, tiah theih a si.

Thawngpangdang………. Gospel Ministry International (GMI)nih Rambuai ruang ah mah inn lo chuahtak in khuate lei ah Ralzam dirhmun in a dormi hna,Lungdong ngai in a um mi hna caah moral support Crusade an tuah piak hna. Hi Moral Support Crusade an tuahnak hmun hi Thantlang peng Tikir khua ah tuah a si i, cawnpiak tu an sawmmi hna cu, Rev.Mang Kam, le Hlasakthiam Lal Tha Chin Sang,

May be an image of one or more people, people standing, people sitting and indoor

PBK Liankhuma hna le hlasak thiamdang dang hna zong nih an telpi khawh hna. Gospel Ministry International (GMI) nih ai tinh bik mi cu ralruang ah inn le lo chuahtak in mi khua le mi ram ah ai dor mi hna, Pathian bia in thazang pek nak le an lungtthawnter kha ai tinh bik mi cu asi. Thantlang peng Ralzam tamnak bik Salen khua zong ah May 16-23 tiang Ralzam hna thazang peknak Moral Support Crusade an tuah rih lai tiah theih a si. Crd: The Chin Post

error: Content is protected !!