Falam Peng Kah Doh Nak Kong Thawngpang Fiang An Lanh Ter Cang - TIMES OF CHIN NEWS

Falam Peng Kah Doh Nak Kong Thawngpang Fiang An Lanh Ter Cang

2022 May 2 ni ah Raldonak Tank pa (2), SAC ralhrang mawtaw (20) leng le Ralhrang (170) hrawng cu, Chin Ramkulh, Hakha in Falam lam lei panh in an ra i May 4 le ni 5 ah khuachung rungveng tu phufonh pawl nih mile tung (26) le tung (20) hmun ah rakbawh in le Mine puah in an doh i SAC ralhrang lei in minung (18) an thi. Khuachung rungveng tu phufonh lei in Pa raltha minung pa 8 in ram le miphun caah an nunnak an pek ve.

Cu ni ah Ramthlo khua inn (10) le Tlangzar khua inn (17) cu SAC ralhrang pawl nih an khangh. May (6) ah CNDF in meng tung 16 ah Mine an rak puah hnawh hna i ralhrang 8 hrawng an thi i hriamhma ngah mi an tam. Cu ni ah CNDF lei in Him tein an kir khawh than ko nain May (7) Ni ih Mine puahnawh sual raung ah CNDF ralkap pakhat a Nunnak a liam.
Department of Information and Public Relations
Chin National Organization

May be an image of one or more people, train and railroad

Thawngpangdang…….. Shan ramkulh thlanglei, Nguangshwe peng, Inlay khua um SAC ralkap kuttang rianáš­uan, Pyituhsit hruaitu Ye Myint le a tupa(a fanu vapa) Kyaw Sua cu May 9 zing lei bazar an kai lioah kan thah hna, tiah Assassin for Justice- AFJ nih cathanh an chuah. Tantaung bazar ah zing sml 6:30 hrawng ah ralkap a rak tla balmi pakhat Pyituhsit hruaitu, Ye Myint le a tupa, palik thawng petu Kyaw Sua cu pistol in an kah thah hna, tiah theih a si.

May 3 lio zong ah SAC ralkap Eastern Regional Military Headquarters Commander Ni Lin Aung le Ye Myint cu Inlay Pyituhsit phu pawl he ton biaruahnak an ngei i, PDF an cawlcanghnak vialte ngiathlainak tuah in thawng pek ding kong an i ceih, tiah theih a si. Cu lioah Ye Myint le a tupa cu thah ding kan rak i timtuah cang ko nain caan rem a um lo caah, May 9 ni ah kan fimhlawm khawh hna, tiah Assassin For Justice-AFJ nih an langhter. Crd: The Chin Post

error: Content is protected !!