CNF/A Nih Mah Tluk Tam An Thah Hna Hi Cu Zumh Zong Ahar Ko - TIMES OF CHIN NEWS

CNF/A Nih Mah Tluk Tam An Thah Hna Hi Cu Zumh Zong Ahar Ko

CNF/A cawlcanghnak hmun ah April 22-30 tiang Chin National Army, Chinland Defense Force (CDF Hakha) Thilin PDF ( Magway) hna i fonh in SAC ralkap he kahdohnak voi 5 a chuak i SAC ralkap 61 an thi, Chin ralkap in minung 2 nih miphun le ram caah an nunnak an pek. Kahdohnak a chuahnak hmun cu Magway ramthen, Gangaw le Chin ramkulh Hakha lampi SAC ralkap nih thazaang 200 hrawng chap in Hakha lei ah ke in a rak kai mi hna he an si.

Chin ramkulh thlanglei Matupi ah SAC ralkap nih thazaang chap in Magway ramthen, Pakoku in an i thawh i CDF-Mindat le CDF-Matupi hna he kahdohnak a chuak tiah Chin National Front General Headquarter nih May 6 ah cathanh an chuah.

Thawngpangdang…… Hakha in kalay lei a kalmi SAC ralkap mawṭaw run cu, Tlangzar an phanh tiang ah, CNA/CDF nih voihnih an kah hna. SAC ralkap a thimi hna ruak cu Tlangzar sianginn hmai ah an khangh hna. Cu hnuah Taal khua lei panh in an kal cuahmah ko, tiah thawng kan theih.
Nizan May 5, tlangzar khua chung kahdohnak ah SAC ralkap nih Tlangzar khua inn 17 an khangh, tiah inn khanghpiak a tong vemi pakhat nih, The Chin Post ah a chim.

“Kei ka inn zong a ciam ve, ka inn telh in inn 17 a kaang. A hlan pi in kan khua cu a kaang te ko lai, tiah kan ruahcia a si cang. Pathian nih a ven i tu lawng ah a kaang. Ka inn a kaang ko nain ngaihchiatnak pakhat hmanh ka ngei lo, ram le miphun ca ah nun a pemi hmanh an um. Ram ca ahcun minung lawng nih kan tuar awk a si lo. Kan inn le kan lo zong nih, a tuar ve a hau” tiah inn khanghpiak a tongmi pakhat nih, The Chin Post ah a chim.

Kan khua ah kan lut ngam rih lo, thil fiang deuh va zoh dingah pa li hrawng kan kal. A dang cu a himnak hmun ah an um rih ko hna tiah a chimchap. Crd: The Chin Post

error: Content is protected !!