Chin Ralkap Nih Ralhrang Tampi An Thah Than Hna - TIMES OF CHIN NEWS

Chin Ralkap Nih Ralhrang Tampi An Thah Than Hna

May be an image of road and tree

Chin ramkulh, Mindat peng Matupi-Mindat kar mengtung 14 ah nizan May 12 zanlei suimilam 4:00 hrawng ah CDF-Mindat le SAC ralkap kahdohnak a fak ngai, tiah theih a si. CDF-Mindat nih SAC ralkap mawṭaw run cu bomb voihnih kan puahhnawh hna caah SAC ralkap 10 nak tlawm lo an thi, tiah CDF-Mindat nih cathanh an chuah.

An i kahnak hmun kiangkap cu phone line an phih caah CDF-Mindat ralkap pawl pehtlaihnak a har ngai, tiah theih a si. SAC ralkap mawṭaw run 60 hrawng le raltuknak tank 2 cu Matupi in May 2 ah an i thawh, Matupi le Mindat hi meng 102 aa hlatmi a si i, ni 14 an rau cang.

May be an image of 2 people and outdoors,

Remdaih Tonbiaruahnak Ah LDU A Kai Lai Lo………. Remdaih tonbiaruah sawmnak ah kan kai lai lo tiah Lahu Democratic Union(LDU) Chairman le Vice-Chairman nih an thanh ko nain LDU Secretary le a rianṭuanṭi hna nih kan kai lai, tiah an ti. Cu kong he pehtlai in LDU Chairman le Vice nih Secretary le a rianṭuanṭi pawl

dantatnak kan tuah hna lai, tiah cathanh an chuah. LDU Chairman Kyia Hkun Sa nih remdaih tonbiaruahnak ah an kai khawh lai lonak kong cu May 5 ah a rak thanh cang i PPST zong nih LDU a kai khawh lonak a chim cang.

May be an image of outdoors and text that says 'CDF-Mindat'

Sihmanhsehlaw Secretary Kyia Solomon nih kan kai lai, tiah a chimmi hi cu phung a buar tiah an langhter. Cucaah LDU Chairman le Vice Chairman hnatlak pinak tel loin remdaih tonbiaruahnak ah kan kai lai, a timi hi cu kan cohlang lo. LDU Council upaw pawl nih dantatnak kan tuah lai, tiah cathanh an chuah. Crd: The Chin Post

error: Content is protected !!