Bomb An Puah Hnawh Hna Caah Minung 8 An Iteng - TIMES OF CHIN NEWS

Bomb An Puah Hnawh Hna Caah Minung 8 An Iteng

May be an image of 7 people, people standing, tree and outdoors

Yesagyo khua luhnak, Pehtlaihnak zung le Cinthlaknak zung karlak ah mizapi tlerhkhawnh le harnak pek aa timmi SAC ralkap le palik pawl cu May 14 ah Yesagyo PDF nih bomb lung 3 in kan puahhnawh hna, tiah Battalion Commander Hmaing Tey Za nih a chim. May 14,zing sml 7:00 hrawng ah bomb in kan puahhnawh hna hi a si. Pakhat khat rallam sial(mission) an i tim zong a si kho men, tiah a chimchap.

“Bomb kan phummi kam an phanh ah a voi hnih kan puahhnawh hna i A voikhatnak kan puah ah lung 2 a puak, a dihlak ah bomb lung 3 a puak. Voihnih kan puahhnawh hna ah SAC ralkap 8 cu an i teng, an tho kho ti lo,” tiah Battalion Commander pa nih cun a chim.

SAC ralkap aa hliammi pawl cu mizaw phorhnak mawṭaw nih a rak don hna i an kalpi hna. “Mizapi hna, SAC ralkap he aa naihnak ah nan um hrimhrim lai lo, anmah he aa hlatnak ah nan um lai. An pawng kam hrawng nan um ahcun kan kah tik hna ah a har ngaingai, tiah Hmaing Tey Za nih a chim. SAC ralkap kuttang rianṭuan mi pawl NUG le PDF sinah i fonh zok u. Mizapi lei nan ṭan lo ahcun dohthlennak a dongh tiang kan in doh hna lai, tiah Hmaing Tey Za nih ralrin a pek hna. Crd: The Chin Post

error: Content is protected !!