An Thah Mi Hna Le Hriamthil He An Tlaih Mi Hna An Tampi Nain Pasal Tha Athi Mi An Um Ve - TIMES OF CHIN NEWS

An Thah Mi Hna Le Hriamthil He An Tlaih Mi Hna An Tampi Nain Pasal Tha Athi Mi An Um Ve

May be an image of 6 people

Kayin ramkulh, Demoso le Pharusu peng, April thladonghlei zarhkhat chung kahdohnak ah SAC ralkap 24 an thi i, Loikaw peng Lawpihta hmunhma ah security hngaktu palik 8 cu an hriamthil le tlaih an si, tiah KNDF nih an thanh. Demoso pengchung April thladonghnak zarhchung ah SAC ralkap le Kyinni hriamtlai phufonh hna cu nifatin ngawt in an i kap i, Dawkhami kahdohnak ah KNDF in minung 2 an nunnak a liam, tiah theih a si.

SAC ralkap nih Pharusu peng Thalay in Bawlakhe  peng Nanphe lei ah rallam an sial khawh nakhnga Shan ramkulh chaklei Pinlawng peng in Kayinni ramkulh lei ah SAC ralkap motor ruun 30 tluk in minung thazaang an chap, tiah KNDF nih an chim.

May be an image of outdoors

April 29, Lawpihta hmunhma ah security hngaktu palik hna cu  KA le KNDF nih a thli tein an luhhnawh hna i palik 8 cu an hriamthil he an tlaih hna. Tlaih a tong mi hna cu Kayinni ramkulh palik department (KSP) ah an kuat hna, tiah theih a si. Demoso peng Kungta, Dawngankha le Khohpalawt sang ah umhmun khua mi SAC ralkap hna cu Kayinni ralkap phufonh nih an kah hna caah nihin tiang kahdohnak a chuak peng rih, tiah KNDF nih an thanh.

Tualchung Thawngdang: Chin ramkulh, Falam khua kam, Rih lam pawng ah May 1 zanlei sml 2:30 hrawng ah mino pakhat cu bomb aa lamh sual caah a kut le ke a bul, tiah theih a si. Falam in Laimual khua ah Volleyball bengh ruah ah a kal mi mino hna cu,

May be an image of 1 person and outdoors,

Rih lamṭhen in Furlong 2 aa hlatnak ah Salai Mawng Lian Thang, kum 18 cu bomb aa lamh sual, tiah theih a si. Salai Mawng Lian Thang cu Falam Sii-inn ah an ratpi i a kehlei kut le a kehlei ke cu tan a hau lai, tiah Sii-inn ṭuanvo ngeitu pakhat nih a chim. Amah he kalṭi mi nu pakhat cu aa hliam lo, tiah theih a si. Salai Mawng Lian Thang cu thi laang(unit) 3 an rawnh i May 1 zan ah Operation an tuah lai, tiah theih a si. Bomb hi mizei nih dah an phum ti cu hngalh a si lo. Crd: The Chin Post

error: Content is protected !!