April 22 thok in UNHCR zung kalnak lam hmun hnih hmun thum in Police nih an kham caah phone SMS in appointment pekmi a um lo mi cu UNHCR zung ah va kal lo ding in ralrinnak thawng an thanh. Tu zing a kalmi minung 30 hrawng zong an tlaih hna nain an thlah than hna ti thawng kan theih. Zeitik tiang an kham lai fian a si lo caah thawngthar um cun kan rak in thanh than te hna lai. *UNHCR(Malaysia) he meeting tuah hnu ah thawngthanhnak kan tuahmi asi. Crd: TCD

Thawngpangdang……….Sagaing ramtthen, Monywa khuapi ah hrambunh mi Unitiy Force( Monywa pyohcia )ralkap 2 cu SAC ralkap nih an tlaih hna i sakhan ah an hrem hna ruang ah nizaan April 21 ah an nunnak a liam tiah rianngeitu nih Mizzama ah a chim.

A nunnak liam mi pahnih hna hi tat-seih-hmu Soh Phua le duh-tat-suh-hmu an si.,April 10 ah tlaih an tong i north west militry headquarters nah-mah-khah nih an hrem han nak an hma he an nunnak a liam hi a si. Hi hna pahnih hi i kahdohnak ding timhlamhnak caah Monywa hotel pakhat an phak lio ah

SAC ralkap thawng petu(dalaan) ruang ah April 11 zing 3 tluk ah SAC ralkap nih thazaang tampi hmang in an tlaih hna. ”An hrem tuk hna i an celh ti lo hnu ah an nunnak a liam, Thil pechantu an si i kan i bochan tuk mi hna an si. An ruak kan va zoh hna ah an tuk velh hna nak hma a hmun a tam ngai ngai,” tiah tat-yin-hmu Bo Aung Swe nih a chim. Crd; The Chin Post