SAC Ralkap: Chin Ram Ah Kan Tlaih Mi Thlah Piak Nan Duh Hna Si Cun Timi Kong Thawngpang - TIMES OF CHIN NEWS

SAC Ralkap: Chin Ram Ah Kan Tlaih Mi Thlah Piak Nan Duh Hna Si Cun Timi Kong Thawngpang

May be an image of sky, tree and mountain

Chin State, Matupi khua ah Bank ahngak mi hna minung pahnih hriamnam he 2022 Aorik 21 ah an tli. Mah atli mi hna ralkap pahnih he pehtlaih in an tlik khawh nak ding ah abawm tu an si tiah lunghring in SAC ralhrang nih sual nak ngei lo mipi 5 cu an tlaih hna tiah kan theih.

SAC ralhrang nih an tlaih mi hna minung pa 5 cu thlah piak than nan duh hna asi ah cun Lay Myo tiva hlei cungah meithal pahnih cu nan rat chiah than hnu lawngah kan tlaih mi hna cu kan in thlah piak than hna lai tiah ralhrang nih mipi cu an ti hna. Ralhrang nih an tlaih mi hna chungah cun nu 3 le pa 2 an si.

No photo description available.

Thawngpangdang……… Facebook a sertu Zuckarberg le US Vice President tel in minung 28 cu ramchung luhnak nawl phih piak an si tiah Russia nih thawng a thanh. Hi hi Russia nih Ukraine a tuk ruang ah nitlak lei ram nih chaw lehthalnak (economy) phih kharnak an tuah ruang ah lehrulh an cham bia a si, Russia nih ramchung luhnak nawl a phihmi cazin ning ah Facebook a sertu Maczuckerberg, US Vice President Kamala Harris,

May be an image of 2 people

Linkedin CEO Ryan Roslanski le ABC reporter George Stefanopulos pawl zong an i tel. Russian Foreign Ministry nih ramchung luhnak nawl kan phih mi hna hi zeibantuk konglam hmanh ah Russia ram ah luhnak nawl an ngei ti lo tiah a ti, Hi hna pawl hi USA ah Russia huatnak lungthin an ngeih nak hnga thi rawnh tu an si tiah Russia Foreign Ministry nih sual an phawt hna.

Asinain Russia nih phih kharnak an tuah mi hi Zuckerberg le Harris caah cun zei pipa ngai in zatlak nak a um lo, Cazin chung ah aa tel mi Meduza news website editor Kevin Rothrock nih cun ”nichuak capo a tongmi bak ka si ko,” tiah a Twitter ah a thial.

Russia nih kan hnu thla zong ahkhan US President Joe Biden le palai 398 cu ram chung luhnak nawl phih an si tiah a rak thanh, Zuckerberg zong hi ramchung luhnak nawl pek lo a rak si bal cang i Linedln hi i 2017 lio khan Russia ah hmannak nawl phih khar a rak si. Crd: The Chin Post

error: Content is protected !!