Ngiahchiat Nak Thawng: Chin Ram Chungah Sual Nak Ngei Lo Mipi Meithal In An Kah - TIMES OF CHIN NEWS

Ngiahchiat Nak Thawng: Chin Ram Chungah Sual Nak Ngei Lo Mipi Meithal In An Kah

May be an image of 1 person

Chin ramkulh, Tedim khua ah nizaan April 27 zan sml 7:30 hrawng ah Myoma sang le Luaibual sang ah meithal thawng kan theih, tiah tualchung mi nih an chim. Meithal kuan nih Skat, mawṭaw khaltu Ko Khai Lian(kum 17) cu a khen caah a nunnak liam, A ruak cu chungkhar an la kho rih lo, tiah theih a si. Tualchung mi pakhat nih,” Skat mawṭaw khaltu a si, khua lei ah thil a va ngalh i a rak tlun lei, lam ah a mawṭaw a rawk, Zaan sml 8:00 hrawng ah Cycle in khua chung ah a rak lut i

SAC ralkap nih chek lai a ṭih caah dir loin a kal , A hnu leiin an kah caah a thih hi a si. A ruak zong khoika an chiah kan hngal lo,” tiah a chim. Zaan sml 10:00 hrawngah 269 sakhan in sml cheu chung hrawng meithal thawng kan theih, tiah tualchung mi nih an chim.

May be an image of 4 people and people standing

Thawngpangdang………. Sagaing ramthen, Minkin peng chung Than Pauh, Yin Ka Lay le Luang Pyih khuathum in ni 3 chung ah SAC ralkap nih inn 270 an khangh i kahdohnak zong a chuak, tiah khua mi hna nih an chim.Tan Pauh khua cu April 25 ah SAC ralkap Khah-Mah-Yiah 87 in ralkap 150 hrawng le

Phyo Saw Htee nih hriamngan in an kah lengah an duah, tiah khua mi pakhat nih RFA ah a chim. Inn 300 hrawng a si mi Tan Pauh khua mi cheukhat hna cu SAC ralkap an luh hlan in an zaam cang i, khuachung ah cun PDF le khua mi tlawmpal lawng an tang, tiah a chim.

May be an image of outdoors

Yin Kalay khua le Luang Pyih khua mi hna zong SAC ralkap nih khua an duah hlan ah khua cu an zaamtak cang, tiah a chim chap. Khuachung ah cun SAC ralkap nih bomb an hmanh i, khua mi a zaam mi hna zong an umnak hmun in an tlun khawh lo caah PDF nih eidin an pekchanh hna, tiah theih a si. Crd: The Chin Post

error: Content is protected !!