Kawlram Mi Tampi Cu Thailand palik nih an tlaih hna - TIMES OF CHIN NEWS

Kawlram Mi Tampi Cu Thailand palik nih an tlaih hna

May be an image of 4 people and outdoors

Thailand ram Tak pengkomh Phopha peng ah nizaan April 27 zaan ah kawpi a phor mi mawtaw a zul i kawpi tom lak ah aa thup mi Myanmar mi 13 Thailand palik nih an tlaih hna tiah Thailand thawngzamh hna nih an langhter. Cu an tlaih mi hna cu pa paruk le nu pariat an dih lak 14 an si i a thli thup in Thailand ram ah an lut tiah theih a si. Thailand ram ah tlaih a tong mi hna hi Myanmar ram a buai ruang ah ramdang kal in rian tuan ruah ah a kal mi an si hna.

Thawngpangdang……… Sagaing ramtthen KhinOo pengchung khua pakhat SAC ralkap le pyusawthi nih mei an khangh dih hnu in an kir lei ah umhmun an khuarnak camp cu drone in voikhat bomb thlakhnawh an tong minung 3 nak tlawmlo an thi tiah Royal Tiger Guerilla Force(RTGF) nih an thanh.

May be an image of 3 people, people standing and road

April 26, chunhnu ah KhinOo peng Poahtung khua mipi umnak inn cu mei an khangh i, thilri vialte an fir hnu ah a kirmi SAC ralkap hna cu drone thlakhnawh in doh an si tiah Royal Tiger Guerilla Force nih an chim.

“Hliamhmi cu an um, minung zeizah set an si fiang tein kan theilo” tiah Royal Tiger Guerilla Force nih an chim. Cu zaanlei ah cun Shwebo peng Khuntawnggyi khua pyusawthi umnak inn cu drone in doh an tong than i khuabawi telh in pyusawthi 3 an thi tiah Royal Tiger Guerilla Force nih an chim.

May be an image of 3 people, people standing and road

SAC ralkap le pyusawthi hna nih April 26, zinglei ah Tanbo khua cu mei an khangh caah khuachung dihlak ngawt in a ciamdih, cun Poahtung khua le Magyigan khuachung ah lut in mipi umnak inn zeimawzat an khangh tthan. Crd: The Chin Post

error: Content is protected !!