India Prime Minister Modi Le US President Biden Tonbiaruahnak - TIMES OF CHIN NEWS

India Prime Minister Modi Le US President Biden Tonbiaruahnak

US President Biden le India Prime Minister Modi hna cu nizan April 11 ah khan virtual biaruahnak an ngei. Ram pahnih foreign le defence palai hna cu pahnih veve (2+2) in tonbiaruahnak ngei ding an si i, cu hlan ah cun President Biden le PM Modi tonnak an ngei hmasa. Ramhnih tonbiaruahnak kongkau hi phuanzar a si lo hnu ah nizan ah khan media ah phuanzar ṭhan a si. White House nih cun President Biden le PM Modi meeting nih

ram pahnih cozah chawlehnak kongkau le ramhnih mipi hna pehtlaihnak ṭha deuh a chuahpi chin lai zumh a si kong a chim. Ramhnih lutlai tonnak ah hin a covid rai kongkau hna, khuacaan buaitonnak, vawleicung pumpi chawlehnak, International Border Security ṭhawnter khawhnak ding le democracy ṭhanchohter a si khawhnak ding kong hna ceih a si, tiah White House nih a langhter.

Hi lengah hin atu lio vawleicung buaitertu Ukraine le Russia buainak kongkau zong an ceih fawn. US le India hi palai 2 veve(2+2) in tonbiaruahnak ngei ding an si i, US aiawh in Secretary of state Antony Blinken, Secretary of defence Lloyd Austin, India aiawh in External affairs minister S Jaishankar le Defence minister Rajnath Singh hna cu tonbiaruahnak an ngei lai. Crd: The Chin Post

Thawngpangdang………. Yangon ramthen, Kunchainkung peng Myayee-nanda pangpar dum hmai SAC ralkap nih titoih puai tuahnak caah donhhlei sermi hngaktu SAC ralkap cheukhat cu nizaan ,April 11 zaanlei ah 40mm he kahdoh an ton caah SAC ralkap 1 a thi tiah Kawhmu News Agency nih a langhter.

Nizaan April 11, zaan suimilam 8:00 hrawngah Kunchainkung khua lai Myayee-nanda pangpar dum hmaiah tuahmi donhhlei hngaktu SAC ralkap hna cu Yangon chaklei mizapi vengtu ralkap phu le Kunchainkung-PDF phufonh nih 40mm bomb in an kah hna. Chekhlatnak tuahding in a rami SAC ralkap motor ruun cu Gyankhin hleidonh cung ah bomb an puahhnawh hna i SAC ralkap pakhat a thi i hliamhmatuar mi zong an um tiah theih a si. Crd: The Chin Post

error: Content is protected !!