Breaking news: SAC ralhrang le PDF-Kalay kar kah soh nak - TIMES OF CHIN NEWS

Breaking news: SAC ralhrang le PDF-Kalay kar kah soh nak

May be an image of 3 people, outdoors and text that says 'PEOPLE'S DEFENCE FORCE (KALAY) (KALAY)'

Kakay Myo thlanglei Sea khua, Thayarkone khua pawng le Yae Shin khua ah hramhram in uk nak ala tu ralhrang le tualchung hriamtlai phu cu nizaan April 27 ni ah kah doh nak voithum tiang achuak i mah kah doh nak ah cun ralhrang lei in minung 18 an thi pin ah meithal pathum kan lak khawh tiah People Defense Force-Kalay nih kah doh nak cathanh an chuah. Nizaan April 27 zingka ah hramhram in uk nak ala tu ralhrang pawl cu

ralkap thazaang 100 tluk in Kalay Myo thlanglei Sea khua ah rallam an rat sial i zingka suimilam 8:30 hrawngah Sea khua chaklei ah PDF(Kalay), CDF(KKG), RKDF le Pah-Ka-Phah phufonh nih an kah hna i zaan suimilam 7 tiang kah doh nak afak piin achuak.

May be an image of 5 people, people standing and outdoors

Kah doh nak ah cun SAC ralhrang lei in minung 15 tluk an thi an mah sin in cun MA meithal pakhat le 0.95 meithal pahnih, 5.56 kuang 80, 0.95 kuang 200, MA 2 kuang bawm 1, 0.95 kuang bawm pathum an lak khawh. Kan ralkap pasal tha hna cu PDF-Kalay in minung pahnih, RKDF chung in minung pahnih an dih lak fonh minung pali nih hma an hmu ve.

Hmakhat te ah Kalay Technological University lei in thlanglei ah ralkap thazaang minung 30 tluk in rallam arat chuak mi hna SAC ralhrang pawl cu PDF Kalay nih zingka suimilam pakhat ah Tharyarkone khua le Taukyan khua kar ah an kah hna i suimilam pali tiang kah doh nak fak piin achuak.

Mah kah doh nak ah cun SAC ralhrang lei in minung pathum an thi i Kalay Technological University ah ralhrang pawl cu an kir than. Hramhram in uk nak ala tu SAC ralhrang pawl cu zaanlei suimilam pahnih hrawngah Kalay khua chaklei Yae Shin khua lei ah ralkap thazaang minung 100 tluk in rallam an rat chuak i lam pehzulh in PDF-Kalay nih mine in an doh hna caah SAC ralhrang chung in minung tampi an thi khawh men tiah kan theih.

error: Content is protected !!