Ukraine Le Russia kongah US politicians an hmurka - TIMES OF CHIN NEWS

Ukraine Le Russia kongah US politicians an hmurka

Ukraine πŸ‡ΊπŸ‡¦ vs Russia war kong ah US politicians an hmurka a lang cio i, Obama he President a rak icuh i a sungmi pa, Mitt Romney biachim hi uar a um cem ko rua ka ti. UKRAINE πŸ‡ΊπŸ‡¦ nih an duhmi, MiGs/ Russia tuah Jet-fighters cu pek zawk ding an si ko. Holh lengmang awk a um ti lo. Kap hnih party lungtlingmi a si tiah a zai hnawh hna.

Rusia tuah jet πŸ›©/ MiGs 29 cu Poland nih an ngeih i, Vladimir Putin nih a tlerh hna caah direct in Ukraine sinah phakter an ttih. Cucaah, US ralkap an umnak Germany πŸ‡©πŸ‡ͺ ah va chiah in, US tu nih Ukraine sinah phakter dingin Joe Bidden cu an chawnh tikah, Joe Bidden nih Vladimir Putin thinhung ding a ttih ve caah, β€œno way” tiah a ngamh ve lo i, a reject colh hna.

Cucaah, Republican Senator, Foreign Relations Committee zong ah aa tel vemi Mitt Romney nihcun, MiGs 29 cu pek zawk ko hna u! Vladimir Putin nih a kan ttihmi nakin NATO nih Kan ttih deuh ahcun, Ukraine πŸ‡ΊπŸ‡¦ ram ah thah-nawnnak hi kan hngolter kho tung lai lo? A cung ah zeidah kan tuah lai timi hi, amah tu nih a kan ttih/fear ve ding caan a si cang” tiah a ti.

Mitt Romney nihcun, β€œParty pahnih/ D he, R he lungtlingmi a si ko caah, phakter ding lawng a tang. Phakter khawh lonak – ruang a um ahcun, a ruang cu thate in chim u” tiah a ti hna. NATO article 5 ningin, NATO ram pakhat, Inches 5 aa tongh sual ahcun, NATO ram vialte ibawmh phawmh colh ding ti a si ko tikah, Poland cu NATO chungtel a si.

US zong a si ve ko i, US based in kuat le Poland in kuat cu aa dang nak a um lo ah ruah a si ko nain, Joe Bidden nih Putin a ttih tuk caah, Vladimir Putin hi a lung a tthawng chinchin rua ti awk in a um cang. Ukraine sinah MiG 29 phakter ding kong ceih dingin a Vice President cu Poland πŸ‡΅πŸ‡± ram ah a kuat. News conference ah REFUGEE kong an hal lio ah kak thluahmah in a ni/ laugh.

Mi ngaichiat lio le vanchiat kong hal ah fakpi in nih le ilawm cu, tiah fak ngai in soisel a tong. Media nih bia an halmi zong thate in a leh kho hna lo- preparation a ngei lo caah a si kho men tiah a kong a chimtu zong an tam ngai. Joe Bidden hi US foreign policy ah experiences a ngei taktakmi a si nain biakhiahnak a rak tuahmi tete hi caan a von liam tikah a rak palhmi a tam deuh ti a si.

Tutan Ukraine πŸ‡ΊπŸ‡¦ nih an herhmi MiG 29, Poland nih an ngeihmi pek in, Poland πŸ‡΅πŸ‡± tu US tuah cham tthan ding in kaphnih lungtlingmi, Ukraine sin phakter nak kong ah a buaimi hi khuaruah a tam ko. Democratic nih Foreign Policy ah an ipalh/ decision tuah an ipalh tawnnak cu a herhnak ah an ral a chia tuk deuh tawn caah a si in a lang lengmang. credit; Zasang Cinzah

error: Content is protected !!