Thawngtha Tuk: India, Mizoram University ah Myanmar mi kai angah cang lai. Cawng ngah mi le kai kho ding pawl cu… - TIMES OF CHIN NEWS

Thawngtha Tuk: India, Mizoram University ah Myanmar mi kai angah cang lai. Cawng ngah mi le kai kho ding pawl cu…

Breaking news.. Kawlram ralzam dirhmun in a um mi tanghra aung hna nih Mizoram University siang inn ah siang inn kai khawh a si cang lai.

International Women’s Excellency Lady arat hmu mi Rev.Maiki le Professor K.robin nih India ram, Mizoram University i rian ngei tu pawl he ton nak an ngei i Myanmar siangngakchia mino pawl caah thiam sang kai khawh nak ding an chimh(ton) mi hna cu tlamtling tein an cohlang hna. Myanmar Siangngakchia nih mah ka university ah cun MA,Msc,Ph.D, Engineering le adang pawl zong cawng khawh asi cang lai.

Kawl ram ah tanghra a awng cang mi pawl cu Plus 2 (XI& XII) ai ah thla (6) chung training kai ta hmasa asi lai i thla (6) adih ah cun amah aduh mi class ah kai khawh asi cang lai tiah thawng kan theih. Source: The Matupi Times

Thawngpangdang……….. SAC nih uknak laak hnu in CDM a tuahtu ralkap le palek pawl hna cu National Unity Government (NUG) cozah nih a humhimnak hmun pakhat ah March 19 ah khan tonnak kan va ngeih hna, tiah Nihin March 24 ah NUG nih thawng a thanh. Hi tonnak ah NUG Cozah rianngeitu hna le

CDM ralkap le Palek caah ser mi ‘Pyituh Yinkhun Khuhlungzi'( Mizapi ṭangcung ah i dor) Committee hna, Dohthlengtu phu hna, CDM ralkap le palek hna le an chungkhar hna an i tel kho, tiah NUG nih cun a thanh. NUG Acting President Duwa Lashi La le Defense Minister

U ZeeMon hna nih comglawmhnak roca an kuat mi hna zong an rel pinah hmailei ah zeitindah hmai kan nawr rih lai ti mi ceihhmai bu in i tonnak cu kan dihter, tiah NUG cathanh ah cun an ṭial.

SAC nih uknak laak hnu in CDM tuahtu ralkap le palek 8000 leng an si cang, tiah CDM ralkap hna nih dirh mi ‘Pyithuh Zinkhun’ phu in Bogyi Lin Htet Aung nih a rak chim cang. March thla chung ah SAC a chuahtak i CDM tuahtu

ralkap le palek poh Australia nih visa a pek hna lai ti mi thawngpang a chuah hnu in CDM tuahtu ralkap le palek an karh lai, tiah ramkhel thiamsang hna nih cun an ruah. SAC lei nih CDM tuahtu ralkap le palek zeizat an si ti kong ah atu tiang zeihmanh an chimrel mi um rih lo. Crd: The Chin Post

error: Content is protected !!