Russian le Ukraine kong ah NATO nih tonnak an tuah. Belgium ram Brussels khua ah NATO chungtel ram i Secretary of Defence pawl cu February 15 in 16 tiang ni hnih chung tonnnak an an ngei. Cu tonnak ahcun Ukraine ram NATO chungtel a si cun lunglawm tein kan cohlan ko tinak le Russia nih a ramri leng in a cawlcanghnak le a buar in rian a tuannak zong kan khampi lai tiah an lungrualnak an langhter.

NATO Gen. Secretary Jens Stoltenberg nih Russia cu a ralkap pawl ka fim cang hna lai tiah thawng a thanh ko nain, Ukraine ramri ah fak ngai in cawnnak a ngeih caah a ramri leng a rak lonh kho mi a si. Sihmanhsehlaw, Palai le Palai i ceihhmainak in buainak a daihkhawhnak hnga kan i ruahchan tiah a chim.Gen. Secretary nih Russia nih a ngeihmi nuclear hriamnam kong kham khawhnak caah thli tein biaruahnak kan ngei tiah a chim.TCP

Thawngpang dang. Zarhkhat Chung Ah Ralhrang kawlralkap minung 250 An Thi, 137 Hliam An Tuar! Myanmar ramchung pumpi zarhkhat chung ah kahdohnak Voi 180 leng a chuak i ralhrang kawlralkap minung 250 an thi. Cun Ralhrang KawlRalkap 137 hliam an tuar, tiah NUG Cozah in Defense Ministry nih Febuary 17 thawng ah a thanh.

Febuary 8-14 karlak ah kahdohnak voi 186 a chuak, ralhrang nih sualnak voi 122 an tuah i sualnak ngeilo mizapi 30 an thah hna pin ah 17 an hliamh hna i 152 an tlaih hna, tiah theih a si. Tutan February 8-14 zarhkhat chung kahdohnak NUG nih a thanh mi hi Media nih an ṭial mi chirhchan in laak mi a si caah a tak ah cun hi nakin an tam deuh kho.